'பிச்சைக்காரன்' படத்தின் முதல் 4 நிமிடம் ரிலீஸ்.. விஜய் ஆண்டனி செய்யும் தொடர் புதுமை!
- IndiaGlitz, [Thursday,February 09 2023]
விஜய் ஆண்டனி நடித்துள்ள ’பிச்சைக்காரன் 2’ திரைப்படம் விரைவில் ரிலீஸ் ஆக இருக்கும் நிலையில் இந்த படத்தின் முதல் 4 நிமிட வீடியோவை வெளியிட இருப்பதாக அறிவிக்கப்பட்டுள்ளது.
விஜய் ஆண்டனி நடித்து இயக்கும் திரைப்படம் ’பிச்சைக்காரன் 2’. இந்த படத்தின் படப்பிடிப்பு கிட்டத்தட்ட முடிவடைந்து இறுதி கட்ட போஸ்ட் புரடொக்சன்ஸ் பணிகள் நடைபெற்று வருகிறது என்றும் விரைவில் இந்த படத்தின் ரிலீஸ் தேதி அறிவிக்கப்படும் என்றும் கூறப்படுகிறது.
இந்த நிலையில் இந்த படத்தின் முதல் நான்கு நிமிட காட்சிகளை நாளை மாலை 5 மணிக்கு வெளியிட இருப்பதாக விஜய் ஆண்டனி அறிவித்துள்ளார். ‘பணம் உலகை காலி பண்ணிடும்’ என்ற தலைப்புடன் இந்த ட்விட்டைஅவர் பதிவு செய்துள்ள நிலையில் நாளை மாலை 5 மணிக்கு இந்த படத்தின் முதல் 4 நிமிட காட்சியை பார்க்க ரசிகர்கள் ஆவலுடன் காத்திருக்கின்றனர்.
ஏற்கனவே விஜய் ஆண்டனி நடித்த ’சைத்தான்’ திரைப்படத்தின் முதல் 10 நிமிடங்கள் ரிலீஸ்க்கு முன்னரே வெளியாகி ரசிகர்களின் எதிர்பார்ப்பை அதிகரித்தது என்பது குறிப்பிடத்தக்கது. அதே புதுமையை தற்போது மீண்டும் விஜய் ஆண்டனி ’பிச்சைக்காரன் 2’படத்திலும் செய்ய உள்ளார் என்பது குறிப்பிடத்தக்கது.
விஜய் ஆண்டனி, யோகிபாபு, காவ்யா தபார், ஜான் விஜய், ஒய்ஜி மகேந்திரா உள்பட பலரது நடிப்பில் உருவான இந்த படம் வரும் கோடை விடுமுறையில் வெளியாகும் என எதிர்பார்க்கப்படுகிறது.