பாலாஜி-நித்யா மோதல்: பிக்பாஸ் வீட்டில் நடந்த முதல் சண்டை
- IndiaGlitz, [Wednesday,June 20 2018]
பிக்பாஸ் வீட்டில் எப்போது முட்டல் மோதல் வரும் என்று எதிர்பார்த்து காத்திருந்த ரசிகர்களுக்கு இன்று அந்த சண்டையை பார்க்கும் வாய்ப்பு கிடைக்கும் என எதிர்பார்க்கப்படுகிறது.
சற்றுமுன் வெளியான பிக்பாஸ் புரமோ வீடியோவில் பொறியலில் வெங்காயம் போட வேண்டும் என்று பாலாஜி கூற அதற்கு அவருடைய மனைவி நித்யா முதலில் பதில் சொல்லாமல் பேசாமல் இருந்தார். பின்னர் மும்தாஜ் 'பதில் கூறுங்கள்' என்று சொன்ன பின்னர் 'வெங்காயம் தேவையில்லை' என்று நித்யா கூற இதனால் மோதல் வெடித்துள்ளது. இந்த மோதலை பிக்பாஸ் வீட்டின் தலைவர் அதிர்ச்சியுடன் பார்த்து கொண்டிருக்கின்றார்.
உங்க ரெண்டு பேர்களின் பர்சனல் கோபங்களை இங்கு காட்டி கொள்ள வேண்டாம் என்றும், இதனால் மற்றவர்களுக்கு பிரச்சனையாக இருக்கும் என்றும் நித்யாவை அமைதிப்படுத்துகிறார் மும்தாஜ். இந்த விவகாரம் பிக்பாஸ் வீட்டை பரபரப்புக்கு உள்ளாக்கியுள்ளது. பாலாஜிக்கும் நித்யாவுக்கும் இடையே ஏற்கனவே பிரச்சனைகள் ஏற்பட்டு அது போலீஸ் வரை சென்றுள்ள நிலையில் இருவரும் பிக்பாஸ் நிகழ்ச்சியினால் ஒன்றுசேருவார்கள் என்று எதிர்பார்க்கப்பட்டது. ஆனால் உண்மை நிலை அதற்கு மாறாக உள்ளது.
இந்த நிலையில் டேனி, 'பிக்பாஸ், இந்த வீட்டில் இன்று சண்டை நடந்துள்ளதால் எங்களுக்கு சோறு இல்லை என்றும், அதனால் ஓட்டலில் இருந்து எனக்கு சாப்பாடு வாங்கி தாருங்கள், நான் பணம் கொடுத்துவிடுகிறேன்' என்றும் கடி ஜோக் அடித்து வெறுப்பேற்றியுள்ளார் என்பதும் குறிப்பிடத்தக்கது.
#பிக்பாஸ் இல்லத்தில் இன்று.. #BiggBossTamil - தினமும் இரவு 9 மணிக்கு உங்கள் விஜயில்.. #VivoBiggBoss @Vivo_India pic.twitter.com/l3BBTkX8z9
— Vijay Television (@vijaytelevision) June 20, 2018