சூப்பர் ஸ்டார் என்றால் அது ரஜினிகாந்த் அவர்கள் மட்டுமே என்றும் இன்னொருவரை சூப்பர் ஸ்டார் என்று அழைக்க முடியாது என்றும் நேற்று ’ஜெயிலர்’ இசை வெளியீட்டு விழாவில் பலர் கூறினர். இந்த நிலையில் திரையுலகில் சூப்பர் ஸ்டார் சகாப்தம் முடிந்து விட்டது என பிரபல தயாரிப்பாளர் ஒருவர் தனது சமூக வலைதள பக்கத்தில் கூறி இருப்பது பரபரப்பை ஏற்படுத்தி உள்ளது.

தமிழ் திரையுலகின் முன்னணி தயாரிப்பாளர்களில் ஒருவர் எஸ்ஆர் பிரபு. இவர் தனது ட்விட்டரில் கூறியிருப்பதாவது: திரைத்துறையில் ஒரு சூப்பர் ஸ்டாரின் சகாப்தம் முடிந்துவிட்டது. ஒவ்வொரு நட்சத்திரங்களுக்கும் ஒரு வர்த்தகம் உள்ளது. ஒவ்வொரு படங்களின் மதிப்பு, அதன் வெளியீட்டு தேதி, கதைக்களம், சக படங்கள் உடனான போட்டி ஆகியவற்றின் அடிப்படையில் இது மாறுபடும்.

எந்த திரையுலகம் இதை புரிந்து கொள்கிறதோ, அதன் சந்தை மதிப்பு உயரும். இதற்கு சிறந்த உதாரணம் தெலுங்கு திரை உலகம். அந்தந்த திரையுலகின் நட்சத்திரங்கள் ரசிகர்களும் இதை புரிந்து கொள்ள வேண்டும். இதை நடைமுறைப்படுத்தும் பட்சத்தில் ரசிகர்கள் உட்பட ஒட்டுமொத்த இந்திய திரைப்படத் துறையும் சிறந்த தரத்திற்கு உயரும் என நம்புகிறேன் என்று தெரிவித்துள்ளார்.

ரஜினிகாந்த் தவற வேறு யாரும் சூப்பர் ஸ்டார் பட்டத்திற்கு பொருந்த மாட்டார்கள் என திரை உலகினர் பலரும் கூறிவரும் நிலையில் தயாரிப்பாளர் எஸ் ஆர் பிரபுவின் இந்த கருத்து பரபரப்பை ஏற்படுத்தியுள்ளது.

The era of one superstar is over in film business. Every star has his own market share and for each film, the value varies based on release date, content, combination, competition, etc.,

The industry which understands this start to support each other, uplift the whole market…

— SR Prabu (@prabhu_sr) July 29, 2023