மேலே உள்ள புகைப்படத்தில் விக்ரம் மற்றும் சுஜித்ரா ஆகிய இருவருடன் இருக்கும் சிறுவன் இன்று தமிழ், மலையாள திரையுலகில் ஹீரோவாக இருக்கிறார். இந்த புகைப்படம் தற்போது வைரலாகி வருகிறது.

விக்ரமுடன் இருக்கும் இந்த சிறுவன் பிரபல மலையாளம் மற்றும் தமிழ் நடிகர் ஜெயராமின் மகன் காளிதாஸ் ஜெயராம் என்பது குறிப்பிடத்தக்கது. கடந்த சில ஆண்டுகளுக்கு முன் நடைபெற்ற திரைப்பட விழா ஒன்றின் போது எடுக்கப்பட்ட இந்த புகைப்படம் தற்போது வைரலாகி வருகிறது.

நடிகர் ஜெயராமின் மகன் காளிதாஸ் ஜெயராம் ஒரு சில மலையாள படங்களில் நடித்தாலும் தமிழில் ’மீன் குழம்பும் மண் பானையும்’ என்ற திரைப்படத்தின் மூலம் அறிமுகமானார். அதன்பின் ’புத்தம் புது காலை’ மற்றும் ‘பாவக்கதைகள்’ ஆகிய வெப்தொடரில் நடித்த காளிதாஸ்க்கு பாசிட்டிவ் விமர்சனங்கள் கிடைத்தது.

இந்த நிலையில் தற்போது கிருத்திகா உதயநிதி இயக்கவுள்ள வெப்தொடர் ஒன்றில் நடிக்க ஒப்பந்தமாகியுள்ளார். இந்த வெப்தொடரின் நாயகியாக தன்யா ரவிச்சந்திரன் நடிக்கிறார் என்பது குறிப்பிடத்தக்கது. மேலும் அவர் ரஜினி என்ற திரைப்படத்திலும் நடித்து வருகிறார் என்பது குறிப்பிடத்தக்கது.