பெரிதும் எதிர்பார்க்கப்பட்ட 'லேடி பேர்ட்' படத்திற்கு விருது இல்லை: ரசிகர்கள் அதிர்ச்சி
- IndiaGlitz, [Monday,March 05 2018]
இன்று நடைபெற்று வரும் ஆஸ்கர் விருது வழங்கும் விழாவில் பல விருதுகளை வென்று குவிக்கும் என்று எதிர்பார்க்கப்பட்ட படம் 'லேடி பேர்ட்'. ஒரு டீன் ஏஜ் பள்ளி மாணவிக்கும் அவரது தாய்க்கும் நடக்கும் கருத்து மோதல்கள், ஈகோ போராட்டம் தான் இந்த படத்தின் கதை. கிரெட்டா கெர்விக் இயக்கிய இத்திரைப்படத்தில் ஹாலிவுட்டின் புகழ்பெற்ற நடிகை சாவோய்ர்ஸ் ரோனான், லேடி பேர்ட் என்னும் முக்கிய கேரக்டரில் நடித்துள்ளார். இவருக்கு உறுதியாக சிறந்த நடிகைக்கான விருது கிடைக்கும் என்று எதிர்பார்க்கப்பட்டது.
வாஷிங்டன் போஸ்ட் உள்ளிட்ட பல முன்னணி பத்திரிகைகள் கொண்டாடிய இந்த படம் ஐந்து பிரிவுகளில் ஆஸ்கார் விருதுகளுக்கு பரிந்துரை செய்யப்பட்டிருந்தது. ஆனால் இந்த படத்திற்கு இதுவரை ஒரு விருது கூட கிடைக்கவில்லை. இதனால் ரசிகர்கள் ஏமாற்றம் அடைந்துள்ளனர்.
இந்த நிலையில் 13 விருதுகளுக்கு பரிந்துரை செய்யப்பட்டிருந்த 'தி ஷே ஆஃப் வாட்டர்' படத்திற்கு நான்கு ஆஸ்கார் விருதுகளும், கிறிஸ்டோபர் நோலனின் 'டன்க்ரிக்' படத்திற்கு மூன்று ஆஸ்கார் விருதுகளும் கிடைத்துள்ளது.