பிரபல பாலிவுட் நடிகையும் ’நேர்கொண்ட பார்வை’ என்ற திரைப் படத்தில் அஜித்துக்கு ஜோடியாக நடித்தவருமான வித்யாபாலனுக்கு தந்தையாக தமிழ் நடிகர் ஒருவர் நடித்துள்ள தகவல் தற்போது வெளிவந்துள்ளது

பிரபல பாலிவுட் நடிகை வித்யாபாலன் நடித்து வரும் படங்களில் ஒன்றின் படப்பிடிப்பு சமீப காலமாக நடந்து வருகிறது என்பதும் ஸ்ரீஷா குஹா தகுர்தா என்பவர் இயக்கத்தில் உருவாகியுள்ள இந்த படத்தில் அவருக்கு தந்தையாக தமிழ் நடிகர் தலைவாசல் விஜய் நடித்து வருகிறார் என்பதும் குறிப்பிடத்தக்கது. இந்த படத்தின் படப்பிடிப்பு மும்பை, ஊட்டி உள்பட பல பகுதிகளில் நடைபெற்று வந்தது

இந்த நிலையில் வித்யாபாலனுக்கு தந்தையாக நடித்தது குறித்து தலைவாசல் விஜய் கூறியபோது ;வித்யா பாலனின், ‘தி டர்டி பிக்சர்ஸ், ‘சகுந்தலாதேவி உள்பட பல படங்களில் அவரது நடிப்பை நான் திரையில் பார்த்து வியந்திருக்கிறேன் என்றும் தற்போது அவரது நடிப்பை நேரில் பார்க்கும் சந்தர்ப்பம் தனக்கு கிடைத்ததாகவும் அவருடைய நடிப்பை நேரில் பார்த்து அசந்து விட்டதாகவும் தரும் இந்த படம் தந்தை மற்றும் மக்களிடையே இருக்கும் உறவுகள் குறித்த கதையம்சம் கொண்ட படம் என்றும் அவர் தெரிவித்துள்ளார்

இந்த படத்தின் படப்பிடிப்பு முழுவதும் நான் மிகுந்த மகிழ்ச்சியுடன் கலந்து கொண்டேன் என்றும் அவர் தெரிவித்துள்ளார். இந்த படத்தில் இலியானா ஒரு முக்கிய கேரக்டரில் நடித்துள்ளார் என்பது குறிப்பிடத்தக்கது.