ద‌ర్శ‌కేంద్రుడు కె.రాఘ‌వేంద్ర‌రావు అంటే క‌మ‌ర్షియ‌ల్ డైరెక్ట‌ర్ అనే పేరుంది. హీరోల‌ను క‌మ‌ర్షియ‌ల్ యాంగిల్‌లో చూపించ‌డ‌మే కాదు, హీరోయిన్‌ను తెర‌పై అందంగా చూపించాల‌న్నా ద‌ర్శ‌కేంద్రుడు త‌ర్వాతే అన్న పేరుంది. ఇప్ప‌టికీ త‌న స్టైల్ త‌న‌దే అంటున్నాడు ద‌ర్శ‌కేంద్రుడు. ప్ర‌స్తుతం నాగార్జున‌, కె.రాఘ‌వేంద్ర‌రావు కాంబినేష‌న్‌లో హ‌థీరాంబాబా జీవిత క‌థ నేప‌థ్యంలో రూపొందుతోన్న చిత్రం ఓం న‌మో వేంక‌టేశాయ‌. ఈ చిత్రంలో నాగార్జున‌, అనుష్క‌, సుర‌భ్‌జైన్‌లకు సంబంధించిన ఫ‌స్ట్‌లుక్స్‌ను విడుద‌ల చేశారు.

అన్నింటికీ ప్రేక్ష‌కుల నుండి మంచి రెస్పాన్స్ వ‌చ్చింది. తాజాగా ప్ర‌గ్యా జైశ్వాల్ ఫ‌స్ట్‌లుక్‌ను విడుద‌ల చేశారు. ఈ లుక్ చూసి అంద‌రూ ప్ర‌గ్యా చాలా బావుంద‌ని అంటున్నారు. ఆస‌క్తిక‌ర‌మైన విష‌య‌మేమంటే ఈ లుక్‌లో ప్ర‌గ్యా వేసుకున్న గౌన్‌ను బంగారంతో చేశార‌ట‌. దీని బ‌రువు 14 కేజీల‌ట‌. ఈ గౌనుతో ప్ర‌గ్యా డ్యాన్సు చేయ‌డం కూడా విశేషమ‌నే చెప్పుకోవాలి. ఈ లుక్ చూసిన వాళ్లు రాఘ‌వేంద్రుడా..మ‌జాకా అంటున్నారు..