`సోగ్గాడే చిన్నినాయ‌నా` సినిమాను చూసిన వాళ్లంద‌రూ నాగార్జున అన్న త‌స్సాదియ్యా.. అద్గ‌దిగ‌ది అనే ప‌దాలు గుర్తుండే ఉంటాయి. ఇప్పుడు ఆ సినిమాకు సీక్వెల్ సిద్ధ‌మ‌వుతోంది. ఎప్ప‌టినుంచో క‌ల్యాణ్ కృష్ణ ఈ సినిమా కోసం స్క్రిప్ట్ సిద్ధం చేస్తున్నాడు. జులై నుంచి తాజా సినిమా ప‌ట్టాలెక్క‌నుంది. ఏక‌బిగిన షూటింగ్ పూర్తి చేయాల‌న్న‌ది ప్లాన్‌. సో అంతా అనుకున్న ప్ర‌కారం అయితే సంక్రాంతికి బంగార్రాజు తెర‌మీద‌కు వ‌స్తాడు. అయితే 2020 సంక్రాంతి సీజ‌న్‌ను ఏ హీరో వ‌దిలిపెట్ట ద‌ల‌చుకోవ‌డం లేదు.

మ‌హేష్ - అనిల్ రావిపూడి సినిమా సంక్రాంతికి ఎయిమ్ చేసి మొద‌ల‌వుతోంది. ప్ర‌భాస్ 20వ సినిమా, అల్లు అర్జున్ 19వ చిత్రం, బాల‌కృష్ణ‌-కె.ఎస్‌.ర‌వికుమార్ ద‌ర్శ‌క‌త్వంలో సి.క‌ల్యాణ్ రూపొందిస్తున్న చిత్రం, ఎ.ఆర్‌.మురుగ‌దాస్ సినిమా, క‌మ‌ల్‌-శంక‌ర్ క‌లిసి చేస్తున్న `భార‌తీయుడు` అన్నీ సంక్రాంతికి విడుద‌ల కావాల‌న్న ఉద్దేశంతో రూపొందుతున్నాయి. వీటిలో ఎన్ని తెర‌మీద‌కు వ‌స్తాయో, ఎన్ని వాయిదాలు ప‌డ‌తాయో చూడాలి మ‌రి. ఒక‌వేళ ఎవ‌రూ వెన‌క్కి త‌గ్గే ప్ర‌స‌క్తి లేక‌పోతే మాత్రం థియేట‌ర్ల కొర‌త‌, క‌లెక్ష‌న్లు త‌గ్గుముఖం ప‌ట్ట‌డంతో సినిమా ప‌రిశ్ర‌మ వార్త‌ల్లో ఉండ‌టం మాత్రం ఖాయం.