నంద‌మూరి బాల‌కృష్ణ జ‌యాప‌జ‌యాలు గురించి ఆలోచించ‌ని హీరో. అలాగే మ‌న‌సులో ఉన్న‌ది ఉన్న‌ట్లుగా మాట్లాడే మ‌న‌స్త‌త్వం ఆయ‌న‌ది. ప్రేమైనా, ద్వేష‌మైనా క‌డుపులో దాచుకోడు. అందుకే ఆయ‌న్ని అంద‌రూ ఇష్ట‌ప‌డుతుంటారు. ఈ అగ్ర క‌థానాయ‌కుడు మ‌రోసారి త‌న పెద్ద మ‌న‌సుని చాటుకున్నారు. నంద‌మూరి ఫ్యామిలీకి వ్య‌తిరేకంగా రూపొందిన చిత్రం `ల‌క్ష్మీస్ ఎన్టీఆర్‌`.

ఈ చిత్రంలో ఎన్టీఆర్ పాత్ర‌ధారిగా విజ‌య్‌కుమార్ అనే స్టేజ్ ఆర్టిస్ట్ చేశారు. ఈ ఆర్టిస్ట్‌కు ఇప్పుడొక స‌మ‌స్య వ‌చ్చింది. అదేంటంటే.. ఆయ‌న భార్య‌కు క్యాన్సర్ సోకింది. ఆర్థిక ప‌రిస్థితుల దృష్ట్యా విజ‌య్‌కుమార్ వైద్యం చేయించ‌లేక‌, బ‌స‌వ‌తార‌కం హాస్పిట‌ల్‌ను సంప్ర‌దించాడు. స‌ద‌రు ఆసుప‌త్రి యాజ‌మాన్యం వెంట‌నే స్పందించింద‌ట‌. బాల‌కృష్ణ అక్క‌డున్న వైద్యుల‌కు విజ‌య్ కుమార్ కేసును ప్ర‌త్యేకంగా చూడాల‌ని కోరాడ‌ట‌. ప‌రిస్థితిని అర్థం చేసుకుని స్పందించిన బాల‌య్య మ‌న‌సుని బంగారం అని అంద‌రూ అనుకుంటున్నారు.

సినిమాల విష‌యానికి వ‌స్తే.. ప్ర‌స్తుతం బాల‌కృష్ణ, బోయపాటి ద‌ర్శ‌క‌త్వంలో సినిమా చేస్తున్నాడు. ఈ నెల‌లోనే సినిమా సెట్స్‌పైకి వెళుతుంద‌ని అంటున్నారు. సింహ‌, లెజెండ్ చిత్రాల త‌ర్వాత బాల‌కృష్ణ‌, బోయ‌పాటి కాంబినేష‌న్‌లో వ‌స్తోన్న చిత్ర‌మిది.