సినిమా ఇండ‌స్ట్రీలో సెంటిమెంట్స్‌కు ప్రాధాన్యం ఎక్కువ‌గానే ఉంటుంది. ఇప్పుడు హీరో అఖిల్ సినిమాకు అలాంటి సెంటిమెంట్‌నే ఫాలో అవుతున్నార‌ని ఫిలింన‌గ‌ర్ వ‌ర్గాల స‌మాచారం. వివ‌రాల్లోకెళ్తే..అఖిల్ హీరోగా మ‌నంఫేమ్ విక్ర‌మ్ కుమార్ కొండా ద‌ర్శ‌క‌త్వంలో 'హ‌లో' చిత్రం తెర‌కెక్కుతోన్న సంగ‌తి తెలిసిందే. క‌ల్యాణి ప్రియ‌ద‌ర్శిన్ హీరోయిన్‌గా న‌టిస్తుంది.

తాజాగా ఈ సినిమాలో వెంక‌టేష్ గెస్ట్ అప్పియ‌రెన్స్ ఇస్తాడ‌ని వార్త‌లు విన‌ప‌డుతున్నాయి. నిజ జీవితంలో అక్కినేని నాగ‌చైత‌న్య‌కు మావ‌య్య అయిన వెంక‌టేష్, ప్రేమ‌మ్‌లో కూడా మావ‌య్య పాత్ర‌లో క‌నిపించాడు. ఇప్పుడు ఆ సినిమా హిట్ కావ‌డంతో అదే సెంటిమెంట్‌ను ఫాలో అవుతూ వెంక‌టేష్‌తో గెస్ట్ అప్పియ‌రెన్స్ ఇప్పిస్తున్నార‌ని టాక్‌. మ‌రి ఇందులో నిజా నిజాలు తెలియాలంటే వెయిట్ చేయాల్సిందే. సినిమా డిసెంబ‌ర్ 22న విడుద‌లవుతుంది.