தேசிய விருது பெற்ற இயக்குனர் பாலா இயக்கிய 'தாரை தப்பட்டை' திரைப்படம் வரும் பொங்கல் திருநாளில் வெளியாகும் என அறிவிக்கப்பட்ட நிலையில் இந்த படம் இன்று தணிக்கை அதிகாரிகளால் தணிக்கை செய்யப்பட்டது.

'தாரை தப்பட்டை' படத்தை பார்த்த தணிக்கை அதிகாரிகள் இந்த படத்திற்கு 'A' சர்டிபிகேட் கொடுத்து அதிர்ச்சியளித்துள்ளனர். தணிக்கை அதிகாரிகள் கூறிய ஒருசில காட்சிகளை நீக்க இயக்குனர் பாலா ஒப்புக்கொள்ளாததால் இந்த படத்திற்கு 'A' சர்டிபிகேட் கிடைத்துள்ளதாக கூறப்படுகிறது.

மேலும் இந்த படத்திற்கு 'A' சர்டிபிகேட் கிடைத்துள்ளதால் வசூலில் பெரிய பாதிப்பு இருக்காது என்றும் பாலாவுக்கென இருக்கும் ரசிகர்கள் கண்டிப்பாக இந்த படத்தை திரையரங்குகளில் சென்று பார்ப்பார்கள் என்றும் கூறப்படுகிறது. தமிழக அரசின் வரிவிலக்கு சலுகை கிடைக்காது என்பது மட்டுமே இந்த படத்திற்கு ஒரு குறையாக இருக்கும் என்றும் கூறப்படுகிறது.