குஷ்பு மகளின் கனவை நனவாக்கிய சூப்பர் ஸ்டார்..!
- IndiaGlitz, [Saturday,December 28 2019]
சிறுத்தை சிவா இயக்கத்தில் ரஜினிகாந்த் நடித்து வரும் தலைவர் 168 படத்தில் குஷ்பு இருப்பது அனைவருக்கும் தெரியும். அவர் ரஜினிக்கு மனைவியா இல்லை வில்லியா என்பது தான் இன்னும் உறுதியாகத் தெரியவில்லை.
படப்பிடிப்பு தற்போது ஹைதராபாத்தில் உள்ள ராமோஜிராவ் ஃபிலிம் சிட்டியில் நடந்து வருகிறது. இந்நிலையில் குஷ்புவின் இளைய மகள் அனந்திதாவுக்கு ரஜினியை சந்திக்கும் வாய்ப்பு கிடைத்தது. அவர் ரஜினியுடன் சேர்ந்து எடுத்த புகைப்படத்தை குஷ்பு ட்விட்டரில் வெளியிட்டார்.
புகைப்படத்தை வெளியிட்ட குஷ்பு, என் இளைய மகளின் கனவு நிறைவேறிவிட்டது... உங்களின் நேரத்திற்கும், ஆசிக்கும் நன்றி ரஜினி சார். உங்களின் எளிமையை பார்த்து என் மகள் அசந்துவிட்டாள் என்று தெரிவித்தார்.
அனந்திதா தான் ரஜினியுடன் சேர்ந்து எடுத்த புகைப்படம் மற்றும் அவரின் ஆட்டோகிராஃபை இன்ஸ்டாகிராமில் வெளியிட்டு தனது மகிழ்ச்சியை வெளிப்படுத்தியுள்ளார்.
My little one's dream come true.. her heart skipped a beat the moment she saw the SUPERSTAR.. thank you @rajinikanth sir for your time and blessings..your simplicity bowled her over. pic.twitter.com/5XYjhQ4shB
— KhushbuSundar ❤️ (@khushsundar) December 27, 2019