சமீபத்தில் வெளிவந்த ஜெயம் சகோதரர்களின் 'தனி ஒருவன்' திரைப்படம் உலகம் முழுவதும் மாபெரும் வெற்றி பெற்று ரூ.75 கோடிக்கும் மேல் வசூல் செய்துள்ளது. விரைவில் இந்த படத்தின் வசூல் ரூ.100 கோடியை நெருங்கிவிடும் என்று கூறப்படும் நிலையில் இந்த படத்தை தெலுங்கு மற்றும் இந்தியில் ரீமேக் செய்ய ஆரம்பகட்ட பணிகள் நடந்து வருகிறது.

சல்மான்கான் நடிப்பில் இந்தியில் இந்த படம் ரீமேக் செய்யப்படவுள்ளதாக கூறப்படும் நிலையில் ராம்சரண்தேஜா நடிப்பில் இந்த படம் தெலுங்கில் தயாரிக்கப்படவுள்ளது. பிரபல தெலுங்கு தயாரிப்பாளர் சுரேந்திர ரெட்டி இந்த படத்தின் தெலுங்கு ரீமேக் உரிமையை பெற்றுள்ளார். இந்த படத்தில் அரவிந்தசாமி நடித்த பவர்புல் கேரக்டரில் மாதவன் நடிக்கவுள்ளதாகவும், அவரிடம் பேச்சுவார்த்தை தொடர்ந்து நடைபெற்று வருவதாகவும் கூறப்படுகிறது.

இந்நிலையில் இந்த படத்தின் மற்றொரு முக்கிய கேரக்டரான நயன்தாரா கேரக்டரில் நடித்த சமந்தாவிடம் பேச்சுவார்த்தை நடந்து வருகிறது. விஜய்யுடன் சமந்தா நடித்து வந்த 'விஜய் 59' மற்றும் சூர்யாவுடன் நடித்து வந்த '24' ஆகிய படங்களின் படப்பிடிப்பு முடிந்துவிட்டதால், சமந்தா இந்த படத்தில் நடிக்க ஒப்புக்கொள்வார் என்றே எதிர்பார்க்கப்படுகிறது.