பிரபல இயக்குனர் மற்றும் ஒளிப்பதிவாளர் தங்கர்பச்சான் அவர்கள் தனது மகனை ஹீரோவாக்கி ஒரு படத்தை இயக்கவுள்ளார் என்றும் இந்த படத்தின் ஆரம்பகட்ட பணிகள் நடந்து வருவதாகவும் வெளிவந்த செய்தியை ஏற்கனவே பார்த்தோம்.

இந்த நிலையில் இந்த படத்தின் டைட்டில் மற்றும் ஃபர்ஸ்ட்லுக் நாளை அதாவது அக்டோபர் 10ஆம் தேதி மாலை 5 மணிக்கு வெளியாகுமென தங்கர்பச்சான் அறிவித்துள்ளார். மேலும் எனது இயக்கத்தில் கதாநாயகனாக என் மகனை அறிமுகம் செய்கிறேன் என்றும் அனைவரின் வாழ்த்துகளை எதிர் நோக்கி காத்திருப்பதாகவும் தங்கர்பச்சான் தனது சமூக வலைத்தளத்தில் குறிப்பிட்டுள்ளார்.

தங்கர்பச்சான் மகன் விஜித் பச்சான் நடிக்கும் இந்த படத்திற்கு ‘டக்கு முக்கு டிக்கு தாளம்’ என்ற டைட்டில் வைக்கப்பட்டதாக செய்திகள் கசிந்த நிலையில் இந்த செய்தி சரியானதா? என்பதை நாளை வரை பொறுத்திருந்து பார்ப்போம். மேலும் இந்த படத்தில் விஜித் பச்சான் ஜோடியாக மிலானா நாகராஜ் மற்றும் அஸ்வினி சந்திரசேகர் ஆகிய இரண்டு நாயகிகள் நடிக்கவுள்ளனர் என்பது குறிப்பிடத்தக்கது.