விக்ரம் நடிப்பில், பா. ரஞ்சித் இயக்கிய ‘தங்கலான்’ திரைப்படம் வரும் ஆகஸ்ட் 15ஆம் தேதி ரிலீஸ் ஆகும் என்று எதிர்பார்க்கப்படும் நிலையில் இந்த படத்தின் டிரைலர் குறித்த தகவல் தற்போது கசிந்துள்ளது.

விக்ரம் நடித்த ‘தங்கலான்’ திரைப்படம் ரிலீஸ்-க்கு சில மாதங்களுக்கு முன்பே தயாராக இருக்கும் நிலையில் இந்த படம் ஆகஸ்ட் 15ஆம் தேதி வெளியாக இருப்பதாகவும், ரிலீஸ் தேதி குறித்த அதிகாரப்பூர்வ அறிவிப்பு விரைவில் வெளியாகும் என்றும், அது மட்டும் இன்றி விரைவில் இந்த படத்தின் டிரைலர் வெளியாக இருப்பதாகவும் கூறப்பட்டது.

இந்த நிலையில் தற்போது வந்துள்ள தகவலின்படி ‘தங்கலான்’ படத்தின் டிரைலர் சென்சார் செய்யப்பட்டுவிட்டதாக கூறப்படுகிறது. ‘தங்கலான்’ சென்சார் குறித்த தகவல் புகைப்படமாக இணையத்தில் வெளியாகி உள்ள நிலையில், இந்த புகைப்படத்தில் ‘தங்கலான்’ ட்ரைலர் ரன்னிங் டைம் 2 நிமிடம் 12 வினாடிகள் என்று இருப்பதாகவும் தெரிகிறது.

இதனை அடுத்து விரைவில் ‘தங்கலான்’ ட்ரெய்லர் ரிலீஸ் தேதி அறிவிக்கப்படும் என்றும் இந்த ட்ரெய்லரில் இந்த படத்தின் அதிகாரபூர்வ ரிலீஸ் தேதியும் அறிவிக்கப்படும் என்றும் எதிர்பார்க்கப்படுகிறது.

விக்ரம், மாளவிகா மோகனன், பார்வதி, பசுபதி உள்பட பலர் நடிப்பில் உருவாகிய ‘தங்கலான்’ திரைப்படத்தை பா ரஞ்சித் இயக்கியுள்ளார். ஜிவி பிரகாஷ் இசையில், கிஷோர் குமார் ஒளிப்பதிவில், செல்வா படத்தொகுப்பில் உருவாகியுள்ள இந்த படம் இந்த ஆண்டின் பெரும் எதிர்பார்ப்புக்குரிய படங்களில் ஒன்றாகும்.