டிசம்பர்-18ல் அனிருத்தின் நான்காவது வெற்றி படம்?
- IndiaGlitz, [Tuesday,December 01 2015]
இளம் இசையமைப்பாளர்களில் முன்னணி இடத்தில் இருக்கும் அனிருத் இந்த வருடம் இசையமைத்த 'மாரி', நானும் ரெளடிதான்' மற்றும் 'வேதாளம்' ஆகிய மூன்று படங்களுமே வெற்றி அடைந்ததால் பெரும் உற்சாகத்தில் உள்ளதாக கூறப்படுகிறது. இந்நிலையில் சமீபத்தில் வெளியான அனிருத்தின் இசையில் தனுஷின் 'தங்கமகன்' படத்தின் பாடல்களும் சூப்பர் ஹிட் ஆகியுள்ளது.
'தங்க மகன்' திரைப்படம் வரும் 18ஆம் தேதி ரிலீஸ் ஆகும் என அறிவிக்கப்பட்டுள்ள நிலையில், இந்த படத்தின் பின்னணி இசையமைப்பில் தீவிரமாக இருந்து அனிருத், தற்போது அந்த பணியை முழுவதுமாக முடித்துவிட்டதாக தனது சமூக வலைத்தளத்தில் தெரிவித்துள்ளார்.
மேலும் 'அற்புதமான குடும்பத்திரைப்படம் ரசிகர்களை ரசிக்க வைப்பதற்காக டிசம்பர் 18ஆம் தேதி 'தங்க மகன்' வருகிறது என்றும், எங்களை போலவே நீங்களும் இந்த படத்தை ரசிப்பீர்கள் என எதிர்பார்ப்பதாகவும் அனிருத் கூறியுள்ளார்.
'தங்க மகன்' அனிருத்தின் இவ்வருடத்தின் நான்காவது வெற்றி படமாக அமையுமா? என்பதி பொறுத்திருந்து பார்ப்போம்.