நயன்தாராவுக்கு அப்பாவாக நடிக்கும் பிரபல காமெடி நடிகர்
- IndiaGlitz, [Thursday,December 24 2015]
நயன்தாரா நடித்த 'மாயா' படத்தை அடுத்து இயக்குனர் சற்குணம் தயாரிக்கும் படம் ஒன்றில் கிட்டத்தட்ட அதேபோன்ற ஒரு கேரக்டரில் நயன்தாரா நடிக்கவுள்ளார் என்பதை ஏற்கனவே பார்த்தோம். இந்நிலையில் இந்த படத்தில் தற்போது நயன்தாராவுடன் 'தனி ஒருவன்' படத்தில் நடித்த தம்பி ராமையாவும் இணைந்துள்ளதாக கூறப்படுகிறது.
'தனி ஒருவன்' படத்தில் அரவிந்தசாமிக்கு அப்பாவாக நடித்த தம்பி ராமையா, இந்த படத்தில் நயன்தாராவுக்கு அப்பாவாக நடிக்கவுள்ளதாக கூறப்படுகிறது. சற்குணம் உதவியாளர் தாஸ் இயக்கவுள்ள இந்த படம் திகில் மற்றும் காமெடி கலந்த படம் என்று கூறப்படுகிறது.
இந்த படத்தின் படப்பிடிப்பு வரும் பிப்ரவரி முதல் தொடங்கும் என்றும் இந்த படத்தில் நடிக்கும் மற்ற நடிகர்கள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் கூறப்படுகிறது.