கார்த்தி, சாயீஷா நடிப்பில் இயக்குனர் பாண்டியராஜ் இயக்கியுள்ள 'கடைக்குட்டி சிங்கம்' படத்தின் படப்பிடிப்பு முடிவடைந்து போஸ்ட் புரடொக்சன்ஸ் பணியும் இறுதிக்கட்டத்தில் உள்ளது. அடுத்த மாதம் வெளியாகவுள்ள இந்த படத்தின் பாடல்கள் சமீபத்தில் வெளியாகி நல்ல வரவேற்பை பெற்றுள்ளது.

இந்த நிலையில் நடிகர் சூர்யா தயாரித்திருக்கும் இந்த படத்தின் வியாபரமும் விறுவிறுப்பாக தொடங்கிவிட்டது. இந்த படத்தின் கேரள உரிமையை தமீன்ஸ் பிலிம்ஸ் நிறுவனம் பெற்றுள்ளது. இந்த நிறுவனம் தற்போது சீயான் விக்ரம் நடித்து வரும் 'சாமி 2' படத்தை தயாரித்து வருகிறது என்பது குறிப்பிடத்தக்கது. அதேபோல் இந்த படத்தின் வட இந்திய ரிலீஸ் உரிமையை ஆரோ சினிமாஸ் மற்றும் கணேஷ் பிலிம்ஸ் நிறுவனங்கள் பெற்றுள்ளன.

கார்த்தி, சாயிஷா, பிரியா பவானி சங்கர், சத்யராஜ், பானுப்ரியா, பொன்வண்ணன், சூரி உள்பட பலர் நடித்துள்ள இந்த படத்தில் சூர்யாவும் சிறப்பு தோற்றத்தில் நடித்துள்ளார் என்பது குறிப்பிடத்தக்கது. டி.இமான் இசையமைப்பில் உருவாகியுள்ள இந்த படம் விவசாயிகளின் பெருமையை போற்றும் வகையிலான கதையம்சம் கொண்டது என்பது குறிப்பிடத்தக்கது