தமிழக முதல்வர் ஓபிஎஸ் அவர்களுக்கு ஆரம்பம் முதலே எதிர்ப்பாக வேலை செய்து கொண்டிருந்தவரும், சசிகலாவின் முழு விசுவாசியுமான தம்பித்துரையும் ஓபிஎஸ் அணிக்கு வரவுள்ளதாக தகவல்கள் வெளிவந்துள்ளது.

முதல்வர் ஓபிஎஸ் அவர்கள் ஆட்சியை தக்க வைத்துக்கொள்ள முயற்சித்து கொண்டிருக்கும் நிலையில் அவருக்கு எதிராக செயல்பட்டவர் தம்பித்துரை. ஆனால் அதிமுக பொருளாளர் பதவியை திண்டுக்கல் சீனிவாசனுக்கும், அவைத்தலைவர் பதவியை செங்கோட்டையனுக்கும் கொடுத்த சசிகலா, தம்பித்துரையை கண்டுகொள்ளவில்லை

இதனால் அவரது தரப்பு அதிருப்தியில் இருப்பதாகவும், மேலும் ஓபிஎஸ் அணியில் நாளுக்கு நாள் எம்பிக்களின் ஆதரவு அதிகரித்து கொண்டே வருவதாலும், அவரது அணிக்கு தம்பித்துரை செல்லவிருப்பதாக நம்பத்தகுந்த வட்டாரங்களில் இருந்து தகவல்கள் வெளிவந்துள்ளது.

தம்பித்துரை ஓபிஎஸ் அணிக்கு வந்துவிட்டால் கிட்டத்தட்ட அனைத்து எம்பிக்களும் வந்துவிடுவார்கள் என்றும், ஓபிஎஸ் ஆட்சி அமைக்கின்றாரோ இல்லையொ, நிச்சயம் அவரது கட்டுப்பாட்டில் கட்சி வந்துவிடும் என்றும் அதிமுக வட்டாரங்கள் கூறுகின்றன.