பிக்பாஸ் அல்டிமேட் நிகழ்ச்சியில் கலந்து கொண்டுள்ள போட்டியாளர்களின் குண நலன்களை அடிப்படையாகக் கொண்டு ஒவ்வொருவருக்கும் பட்டம் கொடுக்கப்பட்டு வருகிறது.

’இந்த வீட்டின் வலிமையான நபர்’ என்ற பட்டத்தை பாலாஜிக்கும், ’இந்த வீட்டில் நாட்டாமை தனம் செய்பவர்’ என்ற பட்டம் வனிதாவுக்கு கிடைத்துள்ளது. 14 பேர்களில் 12 பேர் வனிதாவுக்கு இந்த பட்டத்தை அளிக்க வாக்களித்து உள்ளனர் என்பது குறிப்பிடத்தக்கது.

அதேபோல் ’இந்த வீட்டின் சகுனி’ என்று சுரேஷ் சக்கரவர்த்திக்கு பட்டம் கொடுக்கப்பட்டுள்ளது. ‘இது உலக மகா நடிப்புடா சாமி’ என்ற பட்டம் தாமரைக்கு கொடுக்கப்பட்டவுடன் தாமரை வருத்தத்துடன் கண்ணீர் வடித்தார்.

எனது 2 பிள்ளைகள் மேல் சத்தியமாக சொல்றேன், இந்த வீட்டில் நான் நடிக்கவில்லை. நான் எப்படி என்னுடைய வீட்டில் இருந்தேனொ, அதேபோல இந்த வீட்டில் நான் வாழ்ந்தேன், என்னுடைய தம்பி, அப்பா என எல்லோருடனும் உடன் பிறப்பாக தான் பழகினேனே தவிர நடிக்கவில்லை என்று கண்ணீருடன் கூறுகிறார்.

#BBUltimate இல்லத்தில் இன்று.. #Day6 #Promo1 #NowStreaming only on #disneyplushotstar.. pic.twitter.com/ztuYkfsjeG

— Disney+ Hotstar Tamil (@disneyplusHSTam) February 5, 2022