ఆ హీరోతో తొమ్మిదోసారి వ‌ర్క్ చేస్తున్న త‌మ‌న్
- IndiaGlitz, [Friday,February 19 2016]
మ్యూజిక్ డైరెక్ట‌ర్ త‌మ‌న్ ఆ హీరోతో తొమ్మిదోసారి వ‌ర్క్ చేస్తున్నారు. ఇంత‌కీ ఆ హీరో ఎవ‌రో కాదు మాస్ మ‌హా రాజా రవితేజ. నూత‌న దర్శకుడు చ‌క్రి తో రవితేజ రాబిన్ హుడ్ అనే మూవీ చేస్తున్న విష‌యం తెలిసిందే. ఈ చిత్రాన్ని దామోద‌ర ప్ర‌సాద్ నిర్మించాల‌నుకున్నారు. కానీ కొన్ని కార‌ణాల వ‌ల‌న ఈ చిత్రాన్ని డి.వి.వి దాన‌య్య నిర్మిస్తున్నారు.
ఇక ఈ చిత్రానికి మ్యూజిక్ డైరెక్ట‌ర్ గా ముందుగా మిక్కి జే మేయ‌ర్ ని సెలెక్ట్ చేసారు. ఆత‌ర్వాత ఏమైందో ఏమో...మిక్కీ ప్లేస్ లో త‌మ‌న్ వ‌చ్చారు. రవితేజ కిక్, ఆంజ‌నేయులు, వీర, మిర‌ప‌కాయ్, నిప్పు, బ‌లుపు, ప‌వ‌ర్, కిక్ 2 చిత్రాలకు త‌మ‌న్ సంగీతం అందించారు. తాజాగా రాబిన్ హుడ్ మూవీ రవితేజ తో త‌మ‌న్ కి తొమ్మిద‌వ సినిమా కావ‌డం విశేషం. ఈ చిత్రాన్ని వ‌చ్చే నెల‌లో ప్రారంభించ‌నున్నారు.