விஜய், அஜீத் படங்களுக்கு இசையமைக்க ஆசை. தமன்
- IndiaGlitz, [Tuesday,October 27 2015]
ஈரம், காஞ்சனா, ஒஸ்தி, சேட்டை, மற்றும் சமீபத்தில் ரிலீஸான சிம்புவின் 'வாலு' உள்பட பல தமிழ் படங்களுக்கும் ஏராளமான தெலுங்கு, இந்தி படங்களுக்கு இசையமைத்தவர் இசையமைப்பாளர் தமன். தெலுங்கில் முன்னணி நடிகர்களான மகேஷ்பாபு, ராம்சரண் தேஜா, அல்லு அர்ஜூன், ஜூனியர் என்.டி.ஆர் ஆகியோர் படங்களுக்கு இசையமைத்தது போல் தமிழில் முன்னணி நடிகர்களான அஜித், விஜய் படங்களுக்கு இசையமைக்க தமன் விருப்பம் தெரிவித்துள்ளார்.
இதுகுறித்து அவர் கூறியதாவது: 'அஜீத் மற்றும் விஜய் போன்ற முன்னணி நடிகர்களின் படங்களுக்கு இசையமைத்து மெகா ஹிட் கொடுக்க வேண்டும் என்பது எனது ஆசை. பல தமிழ் படங்களுக்கு இசையமைத்து பாராட்டுகள் பெற்றுள்ளேன். என்னுடைய பாடல்கள் சூப்பர் ஹிட்டும் ஆகியுள்ளன. ஆயினும் நான் இசையமைத்த படங்கள் பாக்ஸ் ஆபீஸில் பெரிய அளவில் வெற்றி பெறவில்லை.
எனவே முன்னணி நடிகர்களுக்கு இசையமைப்பதற்கு முன் விரைவில் ஒரு பாக்ஸ் ஆபீஸ் ஹிட்டை கொடுப்பேன்' என்று கூறியுள்ளார். தற்போது தமிழில் 'வைகை எக்ஸ்பிரஸ்' மற்றும் 'ஆறாது சினம்' ஆகிய தமிழ் படங்களுக்கு இசையமைத்து வருகிறார்.