దూకుడు చిత్రం త‌రువాత టాలీవుడ్ లో యువ సంగీత ద‌ర్శ‌కుడు థ‌మ‌న్ హ‌వా బాగా పెరిగింది. అయితే ఆగ‌డు త‌రువాత అత‌గాడి హ‌వా కాస్త త‌గ్గింద‌నే చెప్పాలి. ఈ మ‌థ్య‌కాలంలో ఒక‌టీఅరా సినిమాలు మిన‌హాయిస్తే.. థ‌మ‌న్ కెరీర్‌కి ఉప‌యోగ‌ప‌డ్డ సినిమాలేవీ లేవు.

క‌ట్ చేస్తే.. మ‌ళ్లీ థ‌మ‌న్ సినిమాలు వ‌రుస క‌డుతున్నాయి. ఆర్డ‌ర్ సంగ‌తి కాస్త ప‌క్క‌న పెడితే.. నాగార్జున న‌టిస్తున్న రాజుగారి గ‌ది 2తో మొద‌లుకుని శ‌ర్వానంద్, మారుతి కాంబినేష‌న్‌లో వ‌స్తున్న మ‌హానుభావుడు, స‌చిన్ జోషి వీడెవ‌డు, సాయిధ‌ర‌మ్ తేజ్ జ‌వాన్ వ‌ర‌కు థ‌మ‌న్ సినిమాలు రానున్న రెండు నెల‌ల్లో సంద‌డి చేసే అవ‌కాశం క‌నిపిస్తోంది. ఈ మ‌ధ్య‌లోనే విక్ర‌మ్ హీరోగా రూపొందుతున్న త‌మిళ చిత్రం స్కెచ్ కూడా రిలీజ్ కావ‌చ్చు. ఏదీఏమైనా థ‌మ‌న్‌కి అర్జంట్‌గా ఓ సాలిడ్ హిట్ కావాలి. ఎందుకంటే.. ఈ ఏడాదిలో థ‌మ‌న్ మ్యూజిక్ ఇచ్చిన విన్న‌ర్‌, గౌత‌మ్ నంద చిత్రాలు ఇప్ప‌టికే బాక్సాఫీస్ వ‌ద్ద బోల్తాకొట్టాయి మ‌రి.