క‌మ‌ర్షియ‌ల్ మూవీ అంటే...ఖ‌చ్చితంగా ఐటం సాంగ్ ఉండాల్సిందే. ఏ సినిమా చూసినా అందులో ఏది ఉన్నా లేక‌పోయినా ఐటం సాంగ్ మాత్రం ఖ‌చ్చితంగా ఉంటుంది. ఐటం సాంగ్ లేకుండా క‌మ‌ర్షియ‌ల్ మూవీ రాదా..? ఇంకా ఎన్నాళ్లు ఇలా..అని మ్యూజిక్ డైరెక్ట‌ర్ త‌మ‌న్ ని అడిగితే...క‌మ‌ర్షియ‌ల్ మూవీస్ ఉన్నంత కాలం ఐటం సాంగ్ త‌ప్ప‌దు. సంగీత్ ఫంక్ష‌న్ లో అయినా, ఏదైనా పార్టీకి వెళ్లినా..ప‌బ్ కి వెళ్లినా అక్క‌డ‌ ఐటం సాంగ్ ప్లే చేస్తే వ‌చ్చే ఆ కిక్కే వేరుగా ఉంటుంది.

ఇంకా చెప్పాలంటే....ఐటం సాంగ్ వింటే మ‌న‌లో ఉన్న బాధ‌, కోపం పోయి మ‌న‌కో ఎన‌ర్జీ వ‌స్తుంది. అందుచేత ఐటం సాంగ్ ని త‌క్కువుగా చూడ‌కండి. అస‌లు ఐటం సాంగ్ అని పిల‌వ‌డం క‌న్నా మాస్ సాంగ్ అని పిలిస్తే బాగుంటుందేమో అన్నారు త‌మ‌న్. మ‌రి...త‌మ‌న్ అనుకున్న‌ట్టు ఐటం సాంగ్ అనే పేరు మారి కొత్త‌గా మాస్ సాంగ్ అని పాపుల‌ర్ అవుతుందేమో చూడాలి.