థమన్ కి మ‌ళ్లీ మంచి రోజులు
- IndiaGlitz, [Sunday,October 15 2017]
ఒక టైంలో యువ సంగీత ద‌ర్శ‌కుడు థమన్ హ‌వా బాగానే సాగింది. అయితే ఇటీవ‌ల కాలంలో ఒక‌టీఅరా మిన‌హాయిస్తే థమన్ కెరీర్‌కి ప్ల‌స్ అయిన సినిమాలు లేవు. ఇక థమన్ ప‌ని అయిపోయింది అని అనుకుంటున్న త‌రుణంలో వ‌రుస‌గా రెండు విజ‌యాల‌తో వార్త‌ల్లో నిలిచాడు థమన్. గ‌త నెల 29న వ‌చ్చిన మ‌హానుభావుడుతో సంగీత ద‌ర్శ‌కుడిగా చాన్నాళ్ల త‌రువాత జెన్యూన్ హిట్‌ని సొంతం చేసుకున్న థమన్.. తాజాగా రాజు గారి గ‌ది2తో మ‌రో విజ‌యాన్ని త‌న సొంతం చేసుకున్నాడు.
ఈ రెండు చిత్రాల విజ‌యాల‌లోనూ థమన్ మ్యూజిక్‌, బ్యాక్‌గ్రౌండ్ స్కోర్ కీల‌క పాత్ర పోషించింద‌న‌డంలో ఎలాంటి అతిశ‌యోక్తి లేదు. ఏదేమైనా థ‌మ‌న్‌కి మ‌ళ్లీ మంచి రోజులు వ‌చ్చాయ‌నే చెప్పుకోవ‌చ్చు. ఈ వారంలోనే త‌న తొలి హిందీ చిత్రం గోల్‌మాల్ ఎగైన్‌తో బాలీవుడ్‌లోకి ఎంట్రీ ఇస్తున్నాడు థమన్. మ‌ళ్లీ మంచి రోజులు ప‌ల‌క‌రిస్తున్న ఈ త‌రుణంలో థ‌మ‌న్‌కి ఈ హిందీ సినిమా కూడా ప్ల‌స్ అవుతుందేమో చూడాలి. కాగా, సాయిధ‌ర‌మ్‌తో జవాన్, వి.వి.వినాయ‌క్ చిత్రాల‌ను చేస్తున్న థమన్.. వ‌రుణ్‌తేజ్‌ తొలిప్రేమ‌తో పాటు నితిన్ తాజా చిత్రం కూడా చేస్తున్నాడు.