கானாவில் கலக்கிய சிறுவன்.. திரைப்பட வாய்ப்பு தந்த தமன்!! சூப்பர் சிங்கர் நிகழ்ச்சியில் ஒரு ஆச்சரியம்..!
- IndiaGlitz, [Monday,August 14 2023]
விஜய் டிவியில் ஒளிபரப்பாகும் சூப்பர் சிங்கர் என்ற நிகழ்ச்சி மிகப்பெரிய வரவேற்பை பெற்று வருகிறது என்பதும் தற்போது சூப்பர் சிங்கர் ஜூனியர் நிகழ்ச்சி சீசன் 9 கடந்த சில வாரங்களாக நடைபெற்று வருகிறது என்பதும் தெரிந்ததே.
இந்த நிலையில் இந்த நிகழ்ச்சியில் கண் பார்வையற்ற சிறுமி புரோகிதஸ்ரீ என்பவர் மிக அழகாக பாடிய நிலையில் அவருக்கு பார்வை கிடைக்க அனைத்து உதவிகளையும் செய்வதாக இந்த நிகழ்ச்சியின் நடுவரும் இசையமைப்பாளருமான தமன் உறுதி அளித்துள்ளார். அதேபோல் இந்த நிகழ்ச்சியில் கானா பாடலை அசத்தலாக பாடிய சிறுவனுக்கு தனது அடுத்த திரைப்படத்தில் பாட வாய்ப்பு அளிப்பதாகவும் உறுதி செய்து உறுதி அளித்துள்ளார்.
சூப்பர் சிங்கர் நிகழ்ச்சி 8 சீசன்களை கடந்து தற்போது 9வது சீசன் ஒளிபரப்பாகி வருகிறது. இந்த நிகழ்ச்சியில் நீலகிரியை சேர்ந்த புரோகிதஸ்ரீ என்னும் கண் பார்வையற்ற சிறுமி கலந்து கொண்டு அனைவரையும் தனது அழகான குரலால் அசர வைத்தார்.
இதையடுத்து இந்த நிகழ்ச்சியில் நடுவராக பங்கேற்ற இசையமைப்பாளர் தமன் அந்த சிறுமியின் கதையை கேட்டு உருகினார். அவருடைய கண்களும் கலங்கியது. கண்டிப்பாக அவருக்கு பார்வை கிடைக்க தன்னால் ஆன உதவியை செய்வேன் என்று உறுதி அளித்தார்.
அதேபோல் இந்த நிகழ்ச்சியில் பங்கு கொண்ட கலர்பொடி கோகுல் என்ற சிறுவன் கானா பாடலை சிறப்பாக பாடி பிரமிக்க வைத்தார். எளிய குடும்பத்தில் பிறந்த இந்த சிறுவன் எதிர்காலத்தில் பாடகராக வரவேண்டும் என்ற ஆசையுடன் இருக்கும் நிலையில் அவருக்கு தனது அடுத்த படத்தில் பாடல் பாட வாய்ப்பளிப்பதாகவும் அவருடைய அண்ணனுக்கு பாடல் எழுத வாய்ப்பு அளிப்பதாகவும் உறுதி அளித்தார்.