యువ సంగీత ద‌ర్శ‌కుడు త‌మ‌న్ మ‌ళ్ళీ స‌క్సెస్ ట్రాక్‌లోకి వ‌చ్చారు. 'భాగ‌మ‌తి', 'తొలి ప్రేమ' చిత్రాల విజ‌యాల‌తో టాక్ ఆఫ్ టాలీవుడ్‌గా మారిన త‌మ‌న్‌.. ప్ర‌స్తుతం రెండు క్రేజీ ప్రాజెక్ట్‌ల‌తో తెలుగులో బిజీగా ఉన్నారు.

యంగ్ టైగ‌ర్ ఎన్టీఆర్‌, మాట‌ల మాంత్రికుడు త్రివిక్ర‌మ్ కాంబినేష‌న్‌లో రూపొందుతున్న చిత్రంతో పాటు.. మాస్ మ‌హారాజా ర‌వితేజ‌తో శ్రీ‌ను వైట్ల రూపొందిస్తున్న సినిమాకి కూడా త‌మ‌న్ స్వ‌రాలందిస్తున్నారు. ఈ రెండు సినిమాలు కూడా ఈ ఏడాది ద్వితీయార్థంలో విడుద‌ల కానున్నాయి.

ఇదిలా ఉంటే.. తెలుగుతో పాటు త‌మిళ్‌, క‌న్న‌డ చిత్రాల‌కు కూడా త‌మ‌న్ మ్యూజిక్ అందిస్తున్న విష‌యం తెలిసిందే. తాజాగా ఆయ‌న ఓ క‌న్న‌డ చిత్రానికి గ్రీన్ సిగ్న‌ల్ ఇచ్చార‌ని స‌మాచారం.

ముంగార‌మ‌లె (వాన చిత్రం ఒరిజ‌న‌ల్ వెర్ష‌న్) ఫేమ్ గ‌ణేశ్ హీరోగా తెర‌కెక్కుతున్న ఆరెంజ్ అనే చిత్రం కోసం త‌మ‌న్ మ్యూజిక్ అందించ‌బోతున్నార‌ని తెలిసింది. ఇప్ప‌టికే నాలుగు క‌న్న‌డ చిత్రాలు చేసిన త‌మ‌న్‌కు క‌న్న‌డంలో ఇది ఐదో చిత్రం కానుంది.