பிரபல கோலிவுட் இசையமைப்பாளர் பாலிவுட்டில் அறிமுகம்
- IndiaGlitz, [Tuesday,May 16 2017]
கோலிவுட் திரையுலகின் பிரபலமான இசையமைப்பாளர்களில் ஒருவர் எஸ்.தமன். தில்லாலங்கடி, காஞ்சனா, மெளனகுரு, கண்ணா லட்டு தின்ன ஆசையா, சேட்டை, வாலு, சமீபத்தில் வெளியான 'சிவலிங்கா' உள்பட பல தமிழ் திரைப்படங்களுக்கும், ஏராளமான தெலுங்கு படங்களூக்கும் இவர் இசையமைத்துள்ளார்.
இந்த நிலையில் பாலிவுட்டில் இசையமைப்பாளர் எஸ்.தமன் தற்போது காலடி எடுத்து வைக்கின்றார். அஜய் தேவ்கன் நடிப்பில் ரோஹித் ஷெட்டி இயக்கத்தில் உருவாகவுள்ள 'கோல்மால் 4' படத்தின் மூலம் எஸ்.தமன் இந்தி திரையுலகில் நுழைகிறார்.
தமிழ், தெலுங்கு திரையுலகை போலவே இந்தி திரையுலகிலும் அவர் பல சாதனைகள் நிகழ்த்த நமது வாழ்த்துக்கள்.