தளபதி விஜய் நடிப்பில் இயக்குனர் நெல்சன் இயக்கத்தில் உருவாகவிருக்கும் ’தளபதி 65’ திரைப்படத்தின் படப்பிடிப்பே இன்னும் தொடங்கவில்லை. ஆனால் அதற்குள் ’தளபதி 66’ திரைப்படத்தின் தகவல்கள் சமூக வலைதளங்களில் வைரல் ஆகி வருவது பெரும் பரபரப்பை ஏற்படுத்தி உள்ளது

’தளபதி 66’ திரைப்படத்தை ஏற்கனவே விஜய் நடித்த ’மெர்சல்’ படத்தை தயாரித்த ஸ்ரீதேனாண்டாள் பிலிம்ஸ் நிறுவனம் தயாரிக்க உள்ளது கிட்டத்தட்ட உறுதி செய்யப்பட்டுவிட்டது. இதுகுறித்து அதிகாரப்பூர்வ அறிவிப்பு ஒன்று தான் வெளிவரவேண்டும் என்று கூறப்படுகிறது

இந்த நிலையில் ’தளபதி 66’ திரைப்படத்தை லோகேஷ் கனகராஜ், அட்லி, அஜய் ஞானமுத்து மற்றும் எச்.வினோத் ஆகிய நால்வரில் ஒருவர் இயக்க அதிக வாய்ப்பு இருப்பதாக கூறப்படுகிறது. இதில் லோகேஷ் கனகராஜ் மற்றும் அட்லி ஆகிய இருவரும் ஏற்கனவே விஜய் நடித்த படங்களை இயக்கியவர்கள் என்பதும் ஒருவேளை அஜய் ஞானமுத்து அல்லது எச்.வினோத் இயக்கினால் முதன்முதலாக விஜய்யுடன் இணைய உள்ளனர் என்பதும் குறிப்பிடத்தக்கது

மேலும் ஸ்ரீதேனாண்டாள் தயாரிப்பில் உருவான ’மெர்சல்’ திரைப்படம் அதிக பட்ஜெட்டில் உருவானதை அடுத்து ’தளபதி 66’ திரைப்படம் மீடியம் பட்ஜெட்டில் உருவாகும் என்றும் செய்திகள் வெளியாகி உள்ளது.