இளையதளபதி விஜய் நடித்து வரும் 'விஜய் 61' படத்தின் முதல்கட்ட படப்பிடிப்பு கடந்த சில நாட்களாக நடந்து வந்த நிலையில் இந்த படப்பிடிப்பு தற்போது முடிந்துவிட்டது. இந்நிலையில் இந்த படத்தின் இரண்டாம் கட்ட படப்பிடிப்பு வரும் மார்ச் மாதம் 10ஆம் தேதி முதல் தொடங்கவுள்ளது.

இந்நிலையில் முதல்கட்ட படப்பிடிப்பில் விஜய்-நித்யாமேனன் சம்பந்தப்பட்ட காட்சிகளின் படப்பிடிப்பு 80% முடிந்துவிட்டதாகவும், இன்னும் ஒருசில காட்சிகள் மட்டுமே இருவரும் இணைந்து நடிக்க வேண்டிய நிலை உள்ளதாகவும் கூறப்படுகிறது. அதே நேரத்தில் இரண்டாம் கட்ட படப்பிடிப்பில் விஜய்-காஜல் அகர்வால் சம்பந்தப்பட்ட காட்சிகள் படமாக்கப்பட உள்ளதாகவும் கூறப்படுகிறது.

விஜய், காஜல் அகர்வால், சமந்தா, நித்யாமேனன், வடிவேலு, சத்யராஜ், கோவை சரளா மற்றும் எஸ்.ஜே.சூர்யா உள்பட பலர் நடித்து வரும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கின்றார். அட்லி இயக்கி வரும் இந்த படத்தை ஸ்ரீதேனாண்டாள் மூவீஸ் நிறுவனம் பெரும் பொருட்செலவில் தயாரித்து வருகிறது.