கொரோனா வைரஸ் தடுப்பு நிதியாக கோலிவுட்டின் பல பிரபல நடிகர்கள் லட்சக்கணக்கிலும் கோடிக்கணக்கிலும் நிதியுதவி செய்த நிலையில் கோலிவுட்டின் மாஸ் நடிகரான தளபதி விஜய்யிடம் இருந்து இதுவரை எந்தவித அறிவிப்பும் வெளிவரவில்லை என்பது அவரது ரசிகர்களுக்கு ஒரு பெரும் அதிருதியாக இருந்தது.

இந்த நிலையில் சற்றுமுன் விஜய் ரூ.1.30 கோடி நிதியுதவி குறித்த அறிவிப்பை வெளியிட்டுள்ளார். இதன்படி பிரதமர் நிவாரண நிதியாக ரூ.25 லட்சமும், தமிழக முதல்வர் நிவாரண நிதியாக ரூ.50 லட்சமும், கேரள முதல்வர் நிவாரண நிதியாக ரூ.10 லட்சமும், பெப்சி அமைப்புக்கு ரூ.25 லட்சமும், கர்நாடகா முதல்வர் நிவாரண நிதியாக ரூ.5 லட்சமும், ஆந்திரமுதல்வர் நிவாரண நிதியாக ரூ.5 லட்சமும், தெலுங்கானா முதல்வர் நிவாரண நிதியாக ரூ.5 லட்சமும், புதுவை முதல்வர் நிவாரண நிதியாக ரூ.5 லட்சம் என மொத்தம் ரூ.1.30 கோடி நிதியுதவி செய்துள்ளார்.

மேலும் தனது ரசிகர் மன்ற நிர்வாகிகளுக்கும் ஒரு குறிப்பிட்ட தொகையை அனுப்பி ஏழை எளிய மக்களுக்கு உதவி செய்யவும் விஜய் அறிவுறுத்தியிருப்பதாகவும் தகவல்கள் வெளிவந்துள்ளது.