சினிமாவில் இருந்து விலகுகிறாரா விஜய்? விஜய் மக்கள் இயக்கத்தின் நிர்வாகி கொடுத்த அதிரடி தகவல்..!
- IndiaGlitz, [Tuesday,July 11 2023]
நடிகர் விஜய், வெங்கட் பிரபு இயக்கும் ’தளபதி 68’ படத்தில் நடித்து முடித்தவுடன் மூன்று ஆண்டுகள் சினிமாவில் நடிக்க மாட்டார் என்றும் அவர் முழுக்க முழுக்க அரசியலில் களம் இறங்க போவதாகவும் ஏற்கனவே செய்திகள் வெளியானது.
இந்த நிலையில் தமிழகத்தில் உள்ள 234 தொகுதிகளில் உள்ள விஜய் மக்கள் இயக்கத்தின் நிர்வாகிகளை இன்று பனையூரில் உள்ள இல்லத்தில் விஜய் சந்தித்தார்.
இந்த சந்திப்புக்கு பின்னர் விஜய் மக்கள் இயக்கத்தின் நிர்வாகி ஒருவர் செய்தியாளரிடம் கூறியபோது ’அரசியலில் இறங்குவது என்றால் திரைப்படங்களில் நடிக்க மாட்டேன் என்று விஜய் கூறியதாகவும் முழுமையாக அரசியலில் மட்டும் ஈடுபடுவேன் என்று கூறியதாகவும் தெரிவித்தார்.
மேலும் நடிகர் விஜய்யின் அரசியல் வருகைக்காக அனைத்து கட்டமைப்புகளையும் செய்து விட்டோம் என்றும் அவர் கைகாட்டியதும் அரசியலில் ஈடுபடுவோம் என்றும் அவர் கூறினார்.
விஜய் எப்போது அரசியலுக்கு வந்தாலும் இணைந்து பணியாற்ற தயாராக இருக்கிறோம் என்றும் அரசியலைப் பொறுத்தவரை ரஜினி, அஜித் ரசிகர்கள் உட்பட அனைத்து ரசிகர்களின் ஆதரவும் எங்களுக்கு இருக்கிறது என்றும் தெரிவித்தார். விஜய் மக்கள் இயக்க நிர்வாகியின் இந்த பேட்டி பரபரப்பை ஏற்படுத்தி உள்ளது.