இன்று மாலை 6 மணிக்கு 'மெர்சல்' ஆடிவெள்ளி கொண்டாட்டம்
- IndiaGlitz, [Friday,July 21 2017]
ஆடிமாதத்தின் ஒவ்வொரு வெள்ளிக்கிழமையையும் தமிழர்கள் புனிதமான நாளாக கருதி வரும் நிலையில் அந்த நாள் இன்று என்பது அனைவரும் அறிந்ததே. இந்த நல்ல நாளில் விஜய் ரசிகர்களை உற்சாகப்படுத்தும் வகையில் ஒரு நல்ல செய்தியை இன்று மாலை வெளியிட இருப்பதாக 'மெர்சல்' படத்தின் தயாரிப்பு நிறுவனம் அறிவித்துள்ளது.
ஏற்கனவே 'மெர்சல்' படம் குறித்த முக்கிய அறிவிப்பு இன்று வெளியாகவுள்ளதாக வெளிவந்த செய்தியினை நேற்று பார்த்தோம். இந்த நிலையில் 'மெர்சல்' படத்தின் தயாரிப்பு நிறுவனமான ஸ்ரீ தேனாண்டாள் பிலிம்ஸ் நிறுவனத்தின் சமூகவலைத்தளத்தில், 'மெர்சல் ஆடிவெள்ளி அப்டேட் இன்று மாலை 6 மணிக்கு' என்ற தகவல் பதிவு செய்யப்பட்டுள்ளது. இந்த தகவல் வெளியானதில் இருந்து மாலை 6 மணியை விஜய் ரசிகர்கள் ஆவலுடன் எதிர்பார்த்து காத்திருக்கின்றனர்.
விஜய், காஜல் அகர்வால், சமந்தா, நித்யாமேனன், எஸ்.ஜே.சூர்யா, வடிவேலு, சத்யராஜ், சத்யன், கோவை சரளா உள்பட பலர் நடித்து வரும் இந்த படத்தை அட்லி இயக்கி வருகிறார். ஏ.ஆர்.ரஹ்மான் இசையமைக்கும் இந்த படத்தினை பெரும் பொருட்செலவில் ஸ்ரீதேனாண்டாள் பிலிம்ஸ் நிறுவனம் தயாரித்து வருகிறது. இந்த படம் இந்நிறுவனத்தின் 100வது படம் என்பது குறிப்பிடத்தக்கது.