விஜய்யிடம் எனக்கு பிடித்தது இதுதான். நித்யாமேனன்
- IndiaGlitz, [Monday,May 29 2017]
இளையதளபதி விஜய் மூன்று வித்தியாசமான வேடங்களில் நடித்து வரும் 'தளபதி 61' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தின் நாயகிகளில் ஒருவராகிய நித்யாமேனன் சமீபத்தில் அளித்த பேட்டி ஒன்றில் விஜய் குறித்து பெருமையாக கூறினார்.
அவர் கூறியதாவது: 'தளபதி 61' படத்தில் மூன்று ஹீரோயின்களில் ஒருவராக நான் நடிக்கிறேன். விஜய்யுடன் நடிப்பது வித்தியாசமான அனுபவம். ஷூட்டிங் ஸ்பாட்டில் அவர் அமைதியாக இருப்பார். அந்த அமைதி எனக்கு ரொம்ப பிடிக்கும். மற்ற விஷயங்கள் எதிலும் அவர் தலையிட மாட்டார். அவருடன் நடிப்பவ்ர்கள் அவரிடம் இருந்து நிறைய கற்று கொள்ளலாம் என்று கூறினார்.
மேலும் விரைவில் ஒரு படத்தை இயக்கவுள்ளதாக வெளிவந்து கொண்டிருக்கும் செய்தி குறித்த கேள்விக்கு பதில் கூறிய நித்யாமேனன், 'நான் படம் இயக்கப் போவதாக வரும் தகவல்கள் உண்மையில்லை. அந்த வதந்தி எங்கிருந்து கிளம்பியது என தெரியவில்லை. அது உண்மையில்லை என்றாலும் எனக்கு ஊக்கமளிப்பதாக இருக்கிறது. நடிகையாக நான் இன்னும் திருப்தியாக இல்லை. நான் இதுவரை நடித்தவற்றில் எனக்கு திருப்தி ஏற்படவில்லை. அதனால் டைரக்ஷனை முயற்சிப்பேன்' என்று கூறினார்.