தளபதி விஜய் இன்று இந்தியாவின் முன்னணி ஸ்டார் என்பது அனைவரும் அறிந்ததே. ஆனால் தனது முழு திறமையையும் அவர் கடந்த 22 வருடங்களுக்கு முன்பே திரையுலகிற்கு நிரூபித்துள்ளார் என்பது அவர் நடிப்பில் சூப்பர் ஹிட் வெற்றி பெற்ற 'பூவே உனக்காக' பட இயக்குனர் விக்ரமன் பேட்டி ஒன்றில் கூறியுள்ளார்

பூவே உனக்காக' திரைப்படம் வெளியாகி 22 வருடங்கள் ஆகிவிட்ட போதிலும் தலைமுறை தாண்டி இந்த படம் ஒரு அழியாத காதல் காவியமாக உள்ளது. இதற்கு முக்கிய காரணம், இந்த படத்தின் ஹீரோ கேரக்டருக்கு உயிர் கொடுத்த விஜய் தான் என்று விக்ரமன் கூறியுள்ளார்.

முதலில் இந்த படத்திற்கு யாரை ஹீரோவாக போடலாம் என யோசித்தபோது, 'தேவா' படத்தில் இடம்பெற்ற ஒரு பாடலை பார்த்ததாகவும், அதன் பின்னர் இந்த படத்திற்கு விஜய்தான் பொருத்தமாக இருப்பார் என்று முடிவு செய்ததாகவும் இயக்குனர் விக்ரமன் தெரிவித்தார்

இந்த படத்தின் தயாரிப்பாளர் ஆர்.பி செளத்ரி கூட, பிரசாந்த்தை ஹீரோவாக போடலாம் என்று கூறியதாகவும், இந்த படத்தில் நடித்த சீனியர் நடிகர் ஒருவர் 'குருவி தலையில் பனங்காயை வைத்து ரிஸ்க் எடுக்கின்றீர்கள்' என்று கூறியதாகவும் தெரிவித்த விக்ரமன், தனக்கு விஜய் மேல் அபார நம்பிக்கை இருந்ததாகவும், அந்த நம்பிக்கையை காப்பாற்றும் விதத்தில் விஜய் இந்த படத்தில் தன்னுடைய அதிகபட்ச உழைப்பை அர்ப்பணிப்புடன் கொட்டியதாகவும் விக்ரமன் நெகிழ்ச்சியுடன் அந்த பேட்டியில் கூறியிருந்தார்.