மாநில மாநாடு, மண்டல மாநாடு, பொதுக்கூட்டங்கள், நடைப்பயணம்.. களத்தில் இறங்குகிறார் விஜய்..!
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
தளபதி விஜய் கடந்த சில மாதங்களுக்கு முன்னர் தமிழக வெற்றி கழகம் என்ற அரசியல் கட்சியை தொடங்கிய நிலையில் அரசியல் கட்சி தொடங்கியது முதல் இப்போது வரை அவர் ட்விட்டரில் மட்டுமே அரசியல் செய்து கொண்டிருக்கிறார் என்று விமர்சனங்கள் எழுந்துள்ளன.
இந்த நிலையில் ’கோட்’ படத்தின் படப்பிடிப்பு முற்றிலும் முடிந்துவிட்ட நிலையில் தற்போது அவர் அரசியல் களத்தில் முழுமையாக இறங்க இருப்பதாக தகவல் வெளியாகி உள்ளன.
முதல் கட்டமாக தமிழக வெற்றி கழகத்தின் முதல் மாநில மாநாடு நடைபெற இருப்பதாகவும் இந்த மாநாடு திருச்சியில் செப்டம்பர் அல்லது நவம்பரில் நடைபெற இருப்பதாகவும் கூறப்படுகிறது.
மேலும் மாநில மாநாடு முடிந்தவுடன் 4 மண்டல மாநாடு, 10 மாவட்ட பொதுக் கூட்டங்கள் நடத்தவும் திட்டமிடப்பட்டுள்ளது. அதுமட்டுமின்றி 100 சட்டமன்ற தொகுதிகளில் நடைப்பயணம் செய்யவும் விஜய் திட்டமிட்டுள்ளதாக செய்திகள் வெளியாகி உள்ளன. நடை பயணத்தின் போது விஜய் நேரடியாக மக்களை சந்தித்து குறைகளை கேட்க இருப்பதாகவும் கூறப்படுகிறது.
தேர்தல் ஆணையத்தில் கட்சியின் பெயர் பதிவு செய்த அடுத்த நாளே கட்சி கொடியை அறிமுகம் செய்யவும் வாய்ப்பு இருப்பதாக கூறப்படுகிறது. இந்த தகவல்களை எல்லாம் பார்க்கும்போது தளபதி விஜய் முழு வீச்சில் அரசியல் களத்தில் இறங்கவுள்ளார் என்பது உறுதி செய்யப்பட்டுள்ளது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Comments
- logoutLogout
![](https://1571723588.rsc.cdn77.org/anomusercomment.jpg)