அரசியல் கட்சி ஆரம்பிச்சாச்சு.. அடுத்தது இதுதான்.. விஜயகாந்த் குடும்பத்துடன் பேச்சுவார்த்தையா?
- IndiaGlitz, [Thursday,February 08 2024]
நடிகர் விஜய் தமிழக வெற்றி கழகம் என்ற அரசியல் கட்சியை தொடங்கியுள்ள நிலையில் அடுத்ததாக தனது பெயரில் டிவி சேனல் ஒன்றை தொடங்க திட்டமிட்டு இருப்பதாகவும் இதற்காக விஜயகாந்த் குடும்பத்துடன் பேச்சுவார்த்தை நடத்தி வருவதாகவும் கூறப்படுகிறது.
தமிழகத்தைப் பொறுத்தவரை அரசியல் கட்சியினர் சொந்தமாக டிவி சேனலை வைத்திருக்கும் கலாச்சாரம் இருந்து வருகிறது. அந்த வகையில் தளபதி விஜய்யும் கட்சி ஆரம்பித்துள்ள உள்ள நிலையில், தளபதி டிவி என்ற பெயரில் ஒரு புதிய சேனல் தொடக்க திட்டமிட்டுள்ளதாக தெரிகிறது.
ஒரு புதிய சேனலை தொடங்க வேண்டுமென்றால் பல்வேறு நடைமுறை சிக்கல்கள் இருப்பதால் அவர் ஏற்கனவே செயல்பட்டு வரும் டிவியை விலைக்கு வாங்க திட்டமிட்டுள்ளதாகவும் அந்த வகையில் விஜயகாந்தின் கேப்டன் டிவியை அவர் விலைக்கு வாங்கி தளபதி டிவி என்று மாற்ற இருப்பதாக கூறப்படுகிறது.
இது குறித்து விஜயகாந்த் குடும்பத்துடன் பேச்சுவார்த்தை நடைபெற்று வருவதாகவும் விரைவில் இது குறித்து அதிகாரப்பூர்வ அறிவிப்பு வெளியாகும் என்றும் தெரிகிறது. தளபதி டிவி ஆரம்பித்தவுடன் விஜய்யின் அரசியல் கட்சி குறித்த செய்திகள், அவர் நடத்தும் பொதுக்கூட்டங்கள், கட்சியின் கொள்கைகள் மற்றும் பல பொழுதுபோக்கு அம்சங்கள் தளபதி டிவியில் இருக்கும் என்று கூறப்படுகிறது.