தளபதி விஜய் அவர்களுக்கு கோடிக்கணக்கான ரசிகர்கள் இருக்கிறார்கள் என்பதும் அவருடைய திரைப்படம் ஒவ்வொன்றும் வெளியாகும் போது அவரது ரசிகர்கள் ஒரு திருவிழாவாக கொண்டாடி வருகிறார்கள் என்பதும் தெரிந்ததே. இருப்பினும் தளபதி விஜய் இசை வெளியீட்டு விழா உள்பட தான் நடிக்கும் படங்களின் புரமோஷன் விழாக்களில் மட்டும் தான் அவரை ரசிகர்கள் பார்க்க முடிகிறது என்பதும் சாதாரணமாக அவர் வெளியில் நடமாடும் இல்லை என்பது குறிப்பிடத்தக்கது.

ஆனால் இந்த நிலைமை கடந்த சில ஆண்டுகளுக்கு முன்னர் இல்லை. நடிகர் விஜய் சர்வசாதாரணமாக பைக்கில் சென்னையின் சாலைகளில் வலம் வருவார். ஹெல்மெட் போட்டுக்கொண்டு சென்னையின் சாலைகளில் அவர் பலமுரை வந்துள்ளார் என்பது குறிப்பிடத்தக்கது.

அவ்வாறு விஜய்யின் பழைய வீடியோ ஒன்று தற்போது வைரலாகி வருகிறது. அந்த வீடியோவில் பைக்கில் ஹெல்மெட் போட்டு கொண்டிருந்த விஜய் சாலையில் இருந்த சிலரிடம் தனது வீடு இருக்கும் தனலட்சுமி அவன்யூ, கஸ்தூரிபாய் நகர் எங்கே இருக்கிறது? என்று கேட்க அதற்கு அந்த பகுதியில் இருந்தவர்கள் விஜய் என்று தெரியாமல் அவர் இருக்கும் தனலட்சுமி அவென்யுக்கு எப்படி செல்ல வேண்டும் என்று வழி கூறுகிறார்கள்.

அதன்பின்னர் கிளம்பும்போது ’நடிகர் விஜய் வீடு அங்குதான் இருக்கிறதா? என்று விஜய் கேட்க அதற்கு விஜய் வீடு இருக்கிறதா என்று எங்களுக்கு தெரியாது என்று அவர்கள் கூறுகின்றனர். ஹெல்மெட் போட்டதால் விஜய்யை அடையாளம் தெரியாமல் அந்த பகுதி மக்கள் விஜய்யுடன் பேசிய இந்த வீடியோ பல வருடங்களுக்கு முன் எடுத்தது என்பதும், திடீரென தற்போது இந்த வீடியோ இணையதளங்களில் வைரலாகி வருகிறது என்பது குறிப்பிடத்தக்கது.

#Vijay prank video pic.twitter.com/Sp2r8otvST

— shobi (@shobana40502466) March 15, 2021