முதல்வர் எடப்பாடி பழனிச்சாமியுடன் விஜய் திடீர் சந்திப்பு
- IndiaGlitz, [Sunday,October 15 2017]
தளபதி விஜய் நடித்த 'மெர்சல்' திரைப்படம் வெளியாக இன்னும் மூன்று நாட்கள் மட்டுமே உள்ள நிலையில் இன்னும் இந்த படத்திற்கான பிரச்சனைகள் முழுவதும் தீர்ந்தபாடில்லை. விலங்குகள் நல வாரியத்தின் தடையில்லா சான்றிதழ் இன்னும் கிடைக்கப் பெறாததால் சென்சார் சான்றிதழ் வெளியிடப்படவில்லை
இந்த நிலையில் சற்றுமுன்னர் முதல்வர் எடப்பாடி பழனிச்சாமியுடன் தளபதி விஜய் சந்தித்து பேசியுள்ளார். முதல்வரின் க்ரீன்வேஸ் சாலையில் உள்ள இல்லத்தில் நடந்த இந்த சந்திப்பின்போது செய்தித் துறை அமைச்சர் கடம்பூர் ராஜூவும் உடன் இருந்தார்.
'மெர்சல்' படம் ரிலீசாக மூன்று நாட்கள் இருக்கும் நிலையில் முதல்வர்-விஜய் சந்திப்பு கோலிவுட் வட்டாரத்தில் பெரும் பரபரப்பை ஏற்படுத்தியுள்ளது.