கடந்த ஆண்டின் சூப்பர் ஹிட் படங்களில் ஒன்று மோகன்ராஜா இயக்கத்தில் சிவகார்த்திகேயன் நடித்த 'வேலைக்காரன்'. இந்த படத்தின் வெற்றியால் சிவகார்த்திகேயன், மோகன்ராஜா ஆகியோர்களின் மார்க்கெட் உச்சத்தில் உள்ளது. இந்த படத்தை கிட்டத்தட்ட கோலிவுட் திரையுலகினர் அனைவரும் பாராட்டினர்

இந்த நிலையில் மோகன்ராஜாவை அவரது இயக்கத்தில் வெளியான 'வேலாயுதம்' படத்தில் நடித்த தளபதி விஜய் சமீபத்தில் சந்தித்துள்ளார். இந்த சந்திப்பின்போது 'வேலைக்காரன்' படத்தை விஜய் பாராட்டியதாகவும், இருவரும் நீண்ட நேரம் மனம் விட்டு பேசியதாகவும் தெரிகிறது.

தளபதி விஜய் விரைவில் ஏ.ஆர்.முருகதாஸ் இயக்கும் படத்தின் படப்பிடிப்பில் கலந்து கொள்ளவுள்ளார். அதேபோல் ஜெயம் ரவி நடிக்கும் அடுத்த படத்தை மோகன்ராஜா இயக்கவுள்ளார். இந்த இரண்டு படங்களும் முடிவடைந்த பின்னர் மீண்டும் 'வேலாயுதம்' கூட்டணி இணைய வேண்டும் என்பதே ரசிகர்களின் விருப்பமாக உள்ளது. ரசிகர்களது விருப்பத்தை இருவரும் நிறைவேற்றுவார்களா? என்பதை பொறுத்திருந்து பார்ப்போம்