'துணிவு' படத்தை முந்துகிறதா 'வாரிசு': புதிய ரிலீஸ் தேதி குறித்த தகவல்!
- IndiaGlitz, [Saturday,October 22 2022]
வரும் பொங்கல் விருந்தாக விஜய் நடிக்கும் ’வாரிசு’ மற்றும் அஜித் நடிக்கும் ’துணிவு’ ஆகிய இரண்டு திரைப்படங்கள் வெளியாக உள்ளது கிட்டத்தட்ட உறுதி செய்யப்பட்டுள்ளது.
சமீபத்தில் பேட்டியளித்த தமிழ்நாடு திரையரங்கு உரிமையாளர் சங்கத்தின் தலைவர் திருப்பூர் சுப்பிரமணியம் அவர்கள் ’வாரிசு’ திரைப்படம் ஜனவரி 13ம் தேதியும் ’துணிவு’ திரைப்படம் ஜனவரி 12-ம் தேதியும் வெளியாகும் என்று தெரிவித்திருந்தார்.
இந்த நிலையில் தற்போது வெளிவந்துள்ள தகவலின்படி ’துணிவு’ திரைப்படத்தை விட ஒரு நாள் முன்பாகவே ’வாரிசு’ திரைப்படம் வெளியிட திட்டமிடப்பட்டு இருப்பதாக கூறப்படுகிறது. அதாவது ’துணிவு’ திரைப்படம் ஜனவரி 12-ஆம் தேதி வெளியாக இருக்கும் நிலையில் ஜனவரி 11ஆம் தேதியே ’வாரிசு’ திரைப்படம் வெளியாக உள்ளதாக செய்திகள் கசிந்துள்ளது.
வரும் தீபாவளியன்று ’வாரிசு’ திரைப்படத்தின் ஸ்பெஷல் போஸ்டர் வெளியாக இருப்பதாகவும் அதில் உறுதி செய்யப்பட்ட ரிலீஸ் தேதி இடம்பெறும் என்றும் கூறப்படுகிறது. இதனால் விஜய் ரசிகர்கள் மகிழ்ச்சியில் உள்ளனர்.