தளபதி விஜய் நடிப்பில் சன் பிக்சர்ஸ் நிறுவனத்தின் பிரமாண்டமான தயாரிப்பில் நெல்சன் இயக்கத்தில் ’தளபதி 65’ திரைப்படம் உருவாக இருப்பதாக சமீபத்தில் அதிகாரபூர்வமாக அறிவிக்கப்பட்டது என்பது தெரிந்ததே. மேலும் இந்த படத்தின் நாயகி பூஜா ஹெக்டே என்றும் சமீபத்தில் அறிவிக்கப்பட்டது. இதனை அடுத்து இந்த படத்தின் படப்பிடிப்பு ஏப்ரல் முதல் வாரம் தொடங்கும் என்று செய்திகள் வெளியானது

இந்த நிலையில் தற்போது சமூக வலைதளங்களில் ’தளபதி 65’ படத்தின் பூஜை இன்று சன் டிவி அலுவலகத்தில் நடைபெற இருப்பதாகவும் இந்த பூஜையில் விஜய், பூஜா ஹெக்டே உள்ளிட்ட படக்குழுவினர் கலந்து கொள்ள இருப்பதாகவும் தகவல்கள் வெளிவந்து கொண்டிருக்கின்றன

சன் டிவி அலுவலகத்தில் இந்த பூஜை நடக்க இருப்பதாக கூறப்பட்டாலும், சன் பிக்சர்ஸ் நிறுவனம் அதிகாரப்பூர்வமாக பூஜை குறித்த புகைப்படத்தை வெளியிட்டால் மட்டுமே இது குறித்த தகவல் உறுதி செய்யப்படும் என்பது குறிப்பிடத்தக்கது. அனிருத் இசையில் உருவாகவுள்ள இந்த படம் அடுத்த ஆண்டு பொங்கல் தினத்தில் வெளியாகும் என்பது குறிப்பிடத்தக்கது.