அதுக்குள்ள காலேஜ் போறியா.. 'மாஸ்டர்' குழந்தை நட்சத்திரத்தை பார்த்து கேட்ட கேள்வி..!
- IndiaGlitz, [Friday,June 30 2023]
கடந்த 2019 ஆம் ஆண்டு தளபதி விஜய் நடித்த ’மாஸ்டர்’ திரைப்படத்தில் குழந்தை நட்சத்திரமாக ‘உண்டியல்’ என்ற கேரக்டரில் நடித்திருந்த சூப்பர் சிங்கர் பிரபலம் பூவையார் தற்போது கல்லூரிக்கு செல்வதாக தெரிவித்த வீடியோ வெளியாகி அனைவரையும் ஆச்சரியத்திற்கு உள்ளாகி உள்ளது.
கடந்த 2019 ஆம் ஆண்டு சூப்பர் சிங்கர் ஜூனியர் 6 நிகழ்ச்சியில் கலந்து கொண்ட போட்டியாளர்களில் ஒருவர் பூவையார் என்பதும் இவர் அந்த நிகழ்ச்சியில் அவர் இரண்டாவது ரன்னர் அப் நிலையில் இருந்தார் என்பது குறிப்பிடத்தக்கது.
சூப்பர் சிங்கர் நிகழ்ச்சியின் மூலம் பிரபலமானதை அடுத்து அவர் திரைப்படங்களிலும் ஒரு சில பாடல்களை பாடினார். குறிப்பாக ’பிகில்’ திரைப்படத்தில் தளபதி விஜய்யுடன் இணைந்து ’வெறித்தனம்’ என்ற பாடலை பாடி இருந்தார் என்பது குறிப்பிடத்தக்கது.
இந்த நிலையில் விஜய் டிவியின் ட்விட்டர் பக்கத்தில் சமீபத்தில் வெளியிட்டுள்ள வீடியோவில் இந்த ஆண்டு கல்லூரி செல்வதாக பூவையார் கூறியுள்ளார். இதை கேட்ட தொகுப்பாளர்கள் மாகாபா மற்றும் குரேஷி ஆச்சரியம் அடைந்தனர். இப்ப தான் உன்னை ‘மாஸ்டர்’ படத்துல சின்னப்பையனா பார்த்தேன், அதுக்குள்ள காலேஜ் போறியா? என்று ஆச்சரியத்துடன் கேட்கும் காட்சிகள் அந்த வீடியோவில் உள்ளது.
இந்த வீடியோவை பார்த்த ரசிகர்களும் பூவையார் அதுக்குள்ள கல்லூரிக்கு செல்கிறாரா என்று ஆச்சரியத்துடன் கமெண்ட்ஸ் பதிவு செய்து வருகின்றனர்.