தளபதி விஜய் நடித்த ’மாஸ்டர்’ திரைப்படம் கடந்த பொங்கல் விருந்தாக திரையரங்குகளிலும் உலகம் முழுவதும் வெளியானது என்பதும் இந்த படம் இரண்டே வாரங்களில் ரூபாய் 200 கோடி வசூல் செய்து சாதனை செய்தது என்பதும் தெரிந்தது. அதன் பின்னர் கடந்த இரண்டு நாட்களுக்கு முன்னர் இந்த திரைப்படம் ஓடிடியிலும் வெளியாகி பெரும் வரவேற்பை பெற்று வருகிறது

இந்த நிலையில் இந்த படத்தில் விஜய்யுடன் பூனை ஒன்று ஒருசில காட்சிகளில் வரும் என்றும் அந்த பூனையை அவர் வளர்த்துக் கொண்டு இருப்பார் என்பதும் படம் பார்த்த அனைவரும் அறிந்ததே. இந்த பூனை தற்போது எங்கே இருக்கிறது என்ற கேள்வியை பலர் சமூக வலைதளங்களில் எழுப்பி வந்த நிலையில் ஒரு சிலர் விஜய் சேதுபதி வீட்டில் வளர்வதாக கூறிவந்தனர்

இந்த நிலையில் தற்போது இந்த பூனை எங்கே இருக்கிறது என்ற விவரம் தெரிய வந்துள்ளது. விஜய்யின் நெருங்கிய நண்பர்களில் ஒருவரும் ’மாஸ்டர்’ திரைப்படத்தில் ஒரு கேரக்டரில் நடித்திருப்பவருமான நடிகர் சஞ்சீவ் வீட்டில் தான் தற்போது இந்த பூனை வளர்ந்து வருகிறது

’மாஸ்டர்’ படத்தில் ஜேடி வளர்த்த பூனை தனது வீட்டில் தான் வளர்ந்து வருகிறது என்று கூறிய சஞ்சீவ் இதுகுறித்த ஒரு புகைப்படத்தை தனது சமூக வலைத்தளத்தில் பதிவு செய்துள்ளார். மேலும் ‘நீங்கள் யூகித்தது சரிதான். ஜேடி வளர்த்த பூனை பாதுகாப்பாக எங்கள் வீட்டில் தான் இருக்கிறது என்று குறிப்பிட்டு உள்ளார். அவர் பதிவு செய்த புகைப்படத்தில் ’மாஸ்டர்’ பூனை அவரது மகள் அருகே உள்ளது என்பது குறிப்பிடத்தக்கது

இதனை அடுத்து சஞ்சீவ்க்கு வாழ்த்துக்களும் பாராட்டுக்களும் குவிந்து வருகிறது. அவர் பதிவு செய்த புகைப்படம் சமூக வலைதளங்களில் வைரலாகி வருகிறது என்பது குறிப்பிடத்தக்கது

Yes! Your Assumption is right ??
JD's Cat is safe.. #Master pic.twitter.com/XkPzSuMbkK

— Sanjeev (@SanjeeveVenkat) January 30, 2021