பிரேக்கிங் பாயிண்டை தொட்டதுக்கு அப்புறம் யாராலும் அடிக்க முடியாது: 'லியோ' 8 நிமிட வீடியோ..!
- IndiaGlitz, [Saturday,October 19 2024]
தளபதி விஜய் நடித்த லியோ திரைப்படம் வெளியாகி இன்றுடன் ஒரு வருடம் நிறைவு பெறும் நிலையில், இது குறித்து நெகிழ்ச்சியான ஒரு பதிவை இயக்குனர் லோகேஷ் கனகராஜ் செய்திருந்தார் என்பதை ஏற்கனவே பார்த்தோம்.
இந்த நிலையில், இந்த படத்தின் படப்பிடிப்பு நடந்து கொண்டிருந்தபோது எடுக்கப்பட்ட 8 நிமிட வீடியோவை படக்குழுவினர் வெளியிட்டுள்ளனர். அந்த வீடியோ தற்போது இணையத்தில் வைரலாகி வருகிறது.
இதில் விஜய்யின் அதிரடி ஆக்சன் காட்சிகள், விஜய்-திரிஷாவின் ரொமான்ஸ் காட்சிகள், விஜய்யின் காபி ஹோட்டலில் நடக்கும் ஸ்டண்ட் காட்சிகள், அர்ஜுனின் ஆக்சன் காட்சிகள் உட்பட பல காட்சிகள் இருப்பதை காணலாம். திரையில் பார்க்காத பல காட்சிகளையும் இதில் பார்க்க முடிகிறது.
லியோ படத்தின் தயாரிப்பு நிறுவனமான செவன் ஸ்கிரீன் நிறுவனத்தின் சமூக வலைதளப் பக்கத்தில் இந்த வீடியோ வெளியிடப்பட்டுள்ளது.
விஜய் ரசிகர்கள் இந்த வீடியோவை பார்த்து ரசித்து வருகின்றனர். இந்த வீடியோவை பார்க்கும் போது, லோகேஷ் கனகராஜ், விஜய் உள்பட அனைவரும் எந்த அளவுக்கு ரிஸ்க் எடுத்து ஒவ்வொரு காட்சியையும் படமாக்கி உள்ளார்கள் என்பதையும் அறிய முடிகிறது என கமெண்ட்கள் வருகின்றன.