'லியோ' படத்தின் பிசினஸ் மட்டும் இத்தனை கோடியா? அப்ப வசூல் எத்தனை கோடி இருக்கும்?
- IndiaGlitz, [Sunday,October 08 2023]
தளபதி விஜய் நடித்த ’லியோ’ திரைப்படம் வரும் 19ஆம் தேதி உலகம் முழுவதும் பிரம்மாண்டமாக வெளியாக இருக்கும் நிலையில் இந்த படத்தின் பிசினஸ் தகவல் வெளியாகி மிகப்பெரிய ஆச்சரியத்தை ஏற்படுத்தியுள்ளது.
இந்த படத்தின் சாட்டிலைட் உரிமை மற்றும் ஓடிடி உரிமை மட்டும் 200 கோடி ரூபாய் விற்பனை ஆகிவிட்டதாகவும் இதுவே இந்த படத்தின் பட்ஜெட்டை முழுமையாக எடுத்து விட்டதாகவும் கூறப்படுகிறது.
வெளிநாட்டு உரிமை 60 கோடி, தெலுங்கு மாநில உரிமை மே 20 கோடி, கர்நாடக மாநில உரிமை 15 கோடி, கேரள மாநில உரிமை 13 கோடி என வியாபாரம் ஆகி உள்ளது. மேலும் தமிழக உரிமை மற்றும் 100 கோடிக்கும் அதிகமாக விற்பனை செய்யப்பட்டு உள்ளதாகவும் கூறப்படுகிறது.
மொத்தத்தில் இந்த படத்தின் பிசினஸ் இதுவரை 420 கோடிக்கு அதிகமாக நடந்துள்ளதாக கூறப்படுகிறது. தமிழில் அதிக வசூல் பெற்ற படம் என்ற பெருமையை ‘ஜெயிலர்’ பெற்றிருக்கும் நிலையில் அந்த படத்தின் வசூலை ’லியோ’ முறியடித்து 1000 கோடியை நெருங்குமா என்பதை பொறுத்திருந்து பார்ப்போம்.