தளபதி விஜய்யின் 'கோட்'.. 3 மணி நேரத்திற்கு மேல் ரன்னிங் டைம்.. 7 சென்சார் கட்ஸ்..!
- IndiaGlitz, [Tuesday,August 27 2024]
தளபதி விஜய் நடித்துள்ள ’கோட்’ திரைப்படத்தின் ரன்னிங் டைம் 2 மணி நேரம் 59 நிமிடங்கள் என்று ஏற்கனவே செய்தி வெளியான நிலையில் தற்போது மூன்று மணி நேரத்திற்கு அதிகமாக ரன்னிங் டைம் இருப்பதாக தகவல் வெளியாகியுள்ளன.
தளபதி விஜய் நடிப்பில், வெங்கட் பிரபு இயக்கத்தில் உருவான ’கோட்’ திரைப்படம் வரும் செப்டம்பர் 5ஆம் தேதி திரையரங்குகளில் பிரமாண்டமாக வெளியாக உள்ளது. இந்த நிலையில் இந்த படத்தின் சென்சார் சான்றிதழ் மற்றும் ரன்னிங் டைம் குறித்த தகவல் சமீபத்தில் வெளியான நிலையில் இந்த படத்திற்கு சென்சார் அதிகாரிகள் ’யுஏ’ சான்றிதழ் அளித்துள்ளதாகவும் ரன்னிங் டைம் 2 மணி நேரம் 59 நிமிடங்கள் என்றும் கூறப்பட்டது.
ஆனால் தற்போது வெளிவந்திருக்கும் தகவலின் படி இந்த படத்தின் ரன்னிங் டைம் 3 மணி நேரம் 3 நிமிடங்கள் என்றும் சென்சார் அதிகாரிகள் ஏழு இடங்களில் கட் செய்துள்ளதாகவும் தகவல் வெளியாகி உள்ளன.
ஏற்கனவே சமீபத்தில் வெளியான ’இந்தியன் 2’ திரைப்படம் 3 மணி நேரத்திற்கு அதிகமாக ரன்னிங் டைம் இருந்தது, அந்த படத்தின் தோல்விக்கு ஒரு காரணம் என்று கூறப்பட்ட நிலையில் ’கோட்’ திரைப்படமும் 3 மணி நேரத்துக்கு மேல் உள்ளது என்பது குறிப்பிடத்தக்கது. இருப்பினும் வெங்கட் பிரபு 3 மணி நேரம் ரசிகர்களை உட்கார வைக்கும் அளவுக்கு விறுவிறுப்பாக காட்சிகளை வைத்திருப்பார் என்று நம்பப்படுகிறது