தளபதி விஜய்யின் 'பீஸ்ட்' முழுக்கதை இதுதான்!
- IndiaGlitz, [Monday,April 04 2022]
தளபதி விஜய் நடித்த ‘பீஸ்ட்’ திரைப்படம் வரும் 13ஆம் தேதி உலகம் முழுவதும் பிரமாண்டமாக வெளியாகவுள்ளது. இந்த நிலையில் சமீபத்தில் வெளியான இந்தப் படத்தின் டிரெய்லரில் இருந்து இந்த படத்தின் கதையை ஓரளவு ஊகிக்கப்பட்ட நிலையில் தற்போது இந்த படத்தின் முழு கதை குறித்த தகவல் வெளியாகி உள்ளது.
சென்னையில் உள்ள பிஸியான இடத்தில் உள்ள மால் ஒன்றில் திடீரென சர்வதேச தீவிரவாத இயக்கம் ஒன்று உள்ளே புகுந்து அங்குள்ள பொதுமக்களை பணய கைதியாக வைத்து அரசிடம் பேச்சுவார்த்தை நடத்தி வருகின்றனர். இந்த பேச்சுவார்த்தையில் ஜெயிலில் இருக்கும் தங்களுடைய தலைவனை விடுவிக்க வேண்டும் என்றும் தீவிரவாதிகள் நிபந்தனை விதிக்கின்றனர்.
இந்த நிலையில் முன்னாள் ரா ஏஜெண்ட் அந்த மாலில் தற்செயலாக இருப்பதாக அரசுக்கு தகவல் கிடைத்ததை அடுத்து அவருக்கு தகவல் கூறி தீவிரவாதிகளை சுட்டுக்கொன்று பணயக்கைதிகளை காப்பாற்றும் டாஸ்க் கொடுக்கப்படுகிறது.
இந்நிலையில் திடீரென தீவிரவாதிகளின் தலைவனை விடுதலை செய்ய அரசு முடிவு செய்ததாக முன்னாள் ரா ஏஜெண்டுக்கு தகவல் தெரிய வந்ததை அடுத்து தீவிரவாதிகளை சரமாரியாக கொன்று பணயக்கைதிகளை காப்பாற்றுகிறார் என்பதுதான் இந்த படத்தின் கதை என அறிவிக்கப்பட்டுள்ளது.
‘பீஸ்ட்’ திரைப்படம் ஏப்ரல் 12ம் தேதி அமெரிக்காவில் வெளியாக உள்ள நிலையில் அமெரிக்காவில் உள்ள ஒரு திரையரங்கில் இந்த படத்தின் கதை முன்னோட்டத்தை வெளியிட்டுள்ளது என்பது குறிப்பிடத்தக்கது.