அஜித்தின் ’வலிமை’ படப்பிடிப்பு நடைபெற்ற அதே இடத்தில் விஜய்யின் ‘பீஸ்ட்’ படத்தின் படப்பிடிப்பு நடைபெற்று வருவதாக தகவல்கள் வெளிவந்துள்ளன

தளபதி விஜய் நடிப்பில் நெல்சன் இயக்கத்தில் உருவாகி வரும் ‘பீஸ்ட்’ படத்தின் இரண்டாம் கட்ட படப்பிடிப்பு சென்னையில் உள்ள தனியார் ஸ்டுடியோவில் நடைபெற்று வருகிறது என்றும் இந்த படப்பிடிப்பில் விஜய், பூஜா ஹெக்டே பாடல் காட்சியின் படப்பிடிப்பு நடைபெற்றுக் கொண்டிருப்பதாகவும் தகவல்கள் வெளிவந்தன என்பதை ஏற்கனவே பார்த்தோம். இந்த பாடலுக்கு ஜானி மாஸ்டர் நடன இயக்குனராக பணியாற்றி வருகிறார் என்பதும், இவர் தெலுங்கில் சூப்பர் ஹிட்டான பாடலான ‘புட்டபொம்மா’ பாடலுக்கு பணியாற்றியவர் என்பதும் குறிப்பிடத்தக்கது

இந்த நிலையில் தற்போது ‘பீஸ்ட்’ படத்தின் பாடல் காட்சியின் படப்பிடிப்பு நடைபெற்றுக் கொண்டிருக்கும் இடத்தில் தான் ஏற்கனவே விஜய்யின் ’மெர்சல்’ கமல்ஹாசனின் ’இந்தியன் 2’ அஜித்தின் ’வலிமை’ ஆகிய படங்களின் படப்பிடிப்பு நடந்ததாக கூறப்படுகிறது. குறிப்பாக ’வலிமை’ படத்தின் முக்கிய காட்சியான போலீஸ் ஸ்டேஷனில் நடைபெறும் ஆக்சன் காட்சிகள் படமாக்கப்பட்ட அதே இடத்தில் தான் தற்போது பீஸ்ட் பாடல் காட்சிக்கான செட் போடப்பட்டு டமாக்கப்பட்டு வருவதாக கூறப்படுகிறது.

இந்த நிலையில் இன்னும் ஓரிரு நாளில் இந்த பாடலின் படப்பிடிப்பு முடிந்துவிடும் என்றும் இதனை அடுத்து படக்குழுவினர் அடுத்த கட்டமாக மகாபலிபுரத்திற்கு செல்ல உள்ளதாகவும் தகவல்கள் வெளிவந்துள்ளன.