தளபதி விஜய்யின் 'பீஸ்ட்' படக்காட்சிகள் லீக் ஆகிவிட்டதா? அதிர்ச்சி தகவல்
- IndiaGlitz, [Monday,February 28 2022]
தளபதி விஜய் நடிப்பில், இயக்குனர் நெல்சன் இயக்கத்தில், அனிருத் இசையில், சன் பிக்சர்ஸ் நிறுவனத்தின் பிரம்மாண்டமான திரைப்படம் ‘பீஸ்ட்’. இந்த படத்தின் படப்பிடிப்பு முடிவடைந்து தற்போது இறுதிக்கட்ட போஸ்ட் புரடொக்ஷன் பணிகள் நடைபெற்று வருகிறது என்பதும் இந்த படத்தை ஏப்ரல் 14ஆம் தேதி ரிலீசாக திட்டமிடப்பட்டு உள்ளது என்பதும் குறிப்பிடத்தக்கது.
இந்த நிலையில் இந்த படத்தின் டப்பிங் பணிகள் சமீபத்தில் நடைபெற்ற போது அதில் இருந்து எடுக்கப்பட்ட புகைப்படங்கள் இன்டர்நெட்டில் கசிந்து வருவதாக தகவல்கள் வெளியாகி உள்ளன, இதனால் படக்குழுவினர் பெரும் அதிர்ச்சி அடைந்துள்ளனர்.
ஏற்கனவே படப்பிடிப்பின்போதும் இதேபோன்று சில புகைப்படங்கள் கசிந்தது என்று கூறப்பட்ட நிலையில் தற்போது டப்பிங் செய்யும் போது எடுக்கப்பட்ட புகைப்படங்கள் கசிந்துள்ளது குறித்து படக்குழுவினர் விசாரணை செய்து வருவதாக தகவல்கள் வெளியாகியுள்ளன. மேலும் இணையதளங்களில் லீக் ஆகியுள்ள புகைப்படங்களை யாரும் பகிர வேண்டாம் என்றும் படக்குழுவினர் கேட்டுக்கொண்டுள்ளனர்.